ബ്യൂണസ് അയേഴ്സ്: മരത്തിൽ നിന്ന് വീണു അബോധാവസ്ഥയിലായ ഉടമസ്ഥനെ വളർത്തുനായ കെട്ടിപ്പുണരുന്നതിന്റെ ചിത്രങ്ങൾ വൈറലാകുന്നു. അബോധാവസ്ഥയിലായ ഉടമസ്ഥനെ വിട്ടുപിരിയാൻ കൂട്ടാക്കാതെ ടോണി എന്ന നായ കൂട്ടിരിക്കുകയായിരുന്നു.
അര്‍ജന്റീനയില്‍ ശനിയാഴ്ചയാണ് സംഭവം.
മരത്തിൽ കയറവെ ആറടി ഉയരത്തിൽ നിന്നു കോണ്ക്രീറ്റ് നിലത്തു വീണാണ് ജീസസ് ഹ്യൂഷെയ്ക്കു പരിക്കേറ്റത്. നിലത്തു തലയടിച്ചുവീണ ഹ്യൂഷെ ഉടൻ ബോധരഹിതനാകുകയായിരുന്നു.
എന്നാൽ ഇദ്ദേഹത്തിന്റെ വളർത്തുനായ ടോണി ആംബുലൻസ് എത്തുന്നതുവരെ ബോധരഹിതനായ ഉടമയ്ക്കു കെട്ടിപ്പിടിച്ചു കൂട്ടിരുന്നു.
ഡോക്ടർമാർ വന്നശേഷവും നായ ഉടമയെ വിട്ടുപോയില്ല. ഉടമയ്ക്കു ബോധംതിരിച്ചുകിട്ടി നായയെ ഓമനിച്ചശേഷമാണ് ഇത് ഹ്യൂഷെയെ വിട്ടുപിരിയാൻ തയാറായത്.
