കൊച്ചി: പെരിയ ഇരട്ടക്കൊലപാതക കേസില് അന്വേഷണം തുടരാന് കഴിയുന്നില്ലെന്ന് സിബിഐ ഹൈക്കോടതിയില്. സംസ്ഥാന സര്ക്കാര് നല്കിയ അപ്പീല് ഹര്ജി കോടതിയുടെ പരിഗണനയില് ഉള്ളതിനാല് ആണ് അന്വേഷണം തടസപ്പെട്ടത്.
കേസ് ഏറ്റെടുത്ത് എഫ്ഐആര് കോടതിയില് സമര്പ്പിച്ചെങ്കിലും അപ്പീല് വന്നതിനാല് തുടര് നടപടികള് ഒന്നും സ്വീകരിക്കാന് കഴിയുന്നില്ലെന്നും സിബിഐ കോടതിയെ അറിയിച്ചു.
നിയമപരമായും സാങ്കേതികപരമായുമുള്ള തടസ്സങ്ങള് ചൂണ്ടിക്കാട്ടിയാണ്, കേസ് അന്വേഷണം തുടരാനാകുന്നില്ലെന്ന് സിബിഐ കോടതിയെ അറിയിച്ചത്. കേസ് നേരത്തെ ക്രൈംബ്രാഞ്ച് ആയിരുന്നു അന്വേഷിച്ചത്. സിപിഎം നേതാക്കള് ഉള്പ്പടെയുള്ളവരെ പ്രതി ചേര്ത്താണ് കേസ് എടുത്തത്.