ന്യൂഡല്‍ഹി: 2013 ഏപ്രില്‍ ഒന്നിന് മുന്‍പ് സര്‍വീസില്‍ പ്രവേശിച്ച സര്‍ക്കാര്‍ ജീവനക്കാര്‍ക്കും പെന്‍ഷന്‍ പ്രായം അറുപതാക്കണമെന്ന സംസ്ഥാന സര്‍ക്കാരിന്റെ ഹര്‍ജിയില്‍ സുപ്രീംകോടതി നോട്ടീസയച്ചു. 2013 ഏപ്രില്‍ ഒന്നിന് ശേഷം സര്‍വീസില്‍ പ്രവേശിച്ചവരുടെ പെന്‍ഷന്‍ പ്രായം മാത്രം അറുപതാക്കിയത് ചോദ്യം ചെയ്ത ഹര്‍ജിയിലാണ് നടപടി.
കേരള സര്‍ക്കാരിന്റെ നടപടി വിവേചനമാണെന്ന് നികുതി വകുപ്പ് ഡെപ്യൂട്ടി കമ്മീഷണര്‍ സാജു നമ്പാടന്‍ സമര്‍പ്പിച്ച ഹര്‍ജിയില്‍ ചൂണ്ടിക്കാട്ടി. 2013 ഏപ്രില്‍ ഒന്നിന് മുന്‍പ് സര്‍വീസില്‍ പ്രവേശിച്ചവര്‍ക്ക് നിലവില്‍ 56 ആണ് പെന്‍ഷന്‍ പ്രായം.
