തളിപ്പറമ്പ്: ടൈഫോയിഡ് ബാധിച്ച് ചികിത്സയിലായിരുന്ന വീട്ടമ്മയെ ആശുപത്രിയിലെ കുളിമുറിയില്‍ കഴുത്തറുത്ത് മരിച്ച നിലയിൽ കണ്ടെത്തി.
കുറ്റ്യേരി പുഴക്കരവീട്ടില്‍ തങ്കമണി(46)നെയാണ് കഴുത്തറുത്ത നിലയിൽ കണ്ടെത്തിയത്.
തളിപ്പറമ്പ് താലൂക്ക് ആശുപത്രിയില്‍ കഴിഞ്ഞ ഏഴിനാണ് പനി ബാധിച്ച് ഇവരെ പ്രവേശിപ്പിച്ചത്.പരിശോധനയില്‍ ടൈഫോയിഡ് ബാധിതയാണെന്ന് കണ്ടെത്തി.
പുലര്‍ച്ചെ കുളിമുറിയിലേക്ക് പോയ തങ്കമണി ഏറെ കഴിഞ്ഞിട്ടും പുറത്തുവന്നില്ല. കൂടെ ഉണ്ടായിരുന്ന
സഹോദരി സരോജിനി ബഹളംവച്ചതിനെ തുടര്‍ന്ന് ആശുപത്രി അധികൃതര്‍ എത്തി വിളിച്ചെങ്കിലും വാതില്‍ തുറന്നില്ല.
പിന്നീട് സുരക്ഷാ ജീവനക്കാരെത്തി വാതില്‍ ബലമായി തുറന്നപ്പോഴാണ് രക്തത്തിൽ കുളിച്ചുകിടക്കുന്ന നിലയിൽ മൃതദേഹം കണ്ടത്.
തളിപ്പറമ്പ് പോലീസ് സ്ഥലത്തെത്തി പരിശോധന നടത്തിയ ശേഷം മൃതദേഹം പരിയാരം മെഡിക്കല്‍ കോളജിലേക്ക് മാറ്റി.
