കോഴിക്കോട്: കാവിക്കൊടിയുമായി യുവാവ് ട്രെയിന്‍ തടഞ്ഞു. ഇതര സംസ്ഥാന തൊഴിലാളി അറസ്റ്റില്‍. പിടിയിലായത് ബീഹാര്‍ സ്വദേശി മന്‍ദീപ് ഭാരതിയാണ്.സംഭവം നടന്നത് ഫറോക്ക് റെയില്‍വേ സ്റ്റേഷനിലാണ്. പരശുറാം എക്സ്പ്രസാണ് തടഞ്ഞത്.
ഫറോക്ക് റെയില്‍വേ സ്റ്റേഷനിലെ ഒന്നാമത്തെ പ്ലാറ്റ്ഫോമില്‍ ഇന്ന് രാവിലെയായിരുന്നു സംഭവം.മംഗളൂരു – നാഗര്‍കോവില്‍ പരശുറാം എക്സ്പ്രസ് ട്രെയിനാണ് ഇയാള്‍ തടഞ്ഞത്. പ്രതി കുറ്റിപ്പുറത്ത് ആശാരിപ്പണി ചെയ്തിരുന്നു.
ഈ വകയില്‍ 16,500 രൂപ കിട്ടാനുണ്ട് ഇത് കിട്ടാത്തതിലുള്ള പ്രതിഷേധമാണ് ഇയാള്‍ പ്രകടിപ്പിച്ചതെന്നാണ് റെയില്‍വേ അധികൃതര്‍ നല്‍കുന്ന വിവരം. കൈയിലുണ്ടായിരുന്ന വടിയില്‍ കാവിക്കൊടി ചുറ്റിയ ശേഷം ഇയാള്‍ നിര്‍ത്തിയിട്ടിരുന്ന ട്രെയിനിന് മുന്‍പില്‍ നില്‍ക്കുകയായിരുന്നു. ഇതുമൂലം ട്രെയിന്‍ പത്ത് മിനിട്ടോളം വൈകി.ആര്‍പിഎഫ് അന്വേഷണം ആരംഭിച്ചു.
