കൊച്ചി : അയോധ്യയിലെ രാമക്ഷേത്ര നിര്‍മ്മാണത്തിന് പിന്തുണയുമായി കോണ്‍ഗ്രസ് നേതാവ് പ്രിയങ്ക ഗാന്ധി രംഗത്തെത്തിയതിന് പിന്നാലെ വിമര്‍ശിച്ച് ഡിവൈഎഫ്‌ഐ അഖിലേന്ത്യാ പ്രസിഡന്റ് പി എ മുഹമ്മദ് റിയാസ്. തന്റെ ഫെയ്‌സ്ബുക്ക് പോസ്റ്റാണ് പ്രിയങ്കാഗാന്ധിയെ മുഹമ്മദ് റിയാസ് വിമര്‍ശിച്ച് രംഗത്തെത്തിയത്.
പി എ മുഹമ്മദ് റിയാസിന്റെ ഫെയ്‌സ്ബുക്ക് പോസ്റ്റിന്റെ പൂര്‍ണരൂപം…
രാമക്ഷേത്ര നിര്‍മ്മാണത്തിന് പിന്തുണയുമായി സാക്ഷാല്‍ പ്രിയങ്കാ ഗാന്ധിയും…
ജവഹര്‍ലാല്‍ നെഹ്‌റു…സെക്കുലറിസം… ഇവ മനസ്സില്‍ മരിക്കാത്ത കോണ്‍ഗ്രസുകാരേ നിങ്ങള്‍ക്ക് സ്വാഗതം…
അതേസമയം ഭൂമി പൂജ ഇന്ത്യയിലെ ദേശീയ ഐക്യത്തിന്റെ ആഘോഷമാണെന്നും സൗഹൃദത്തിനും സാഹോദര്യത്തിനുമൊപ്പം ഇന്ത്യയിലെ ദേശീയ ഐക്യത്തിന്റെ ആഘോഷമാകാന്‍ ഈ പരിപാടിക്ക് കഴിയുമെന്ന് എഐസിസി ജനറല്‍ സെക്രട്ടറി കൂടിയായ പ്രിയങ്ക പ്രസ്താവനയില്‍ പറഞ്ഞിരുന്നു.
രാമന്റേയും സീതയുടെയും അനുഗ്രഹത്താല്‍ ഭൂമി പൂജ ചടങ്ങ് ദേശീയ ഐക്യത്തിന്റേയും സാഹോദര്യത്തിന്റേയും സാംസ്‌കാരികതയുടേയും അടിത്തറയായി മാറും. ലാളിത്യം, ധൈര്യം, സംയമനം, ത്യാഗം, പ്രതിബദ്ധത എന്നിവയാണ് രാമന്‍ എന്ന പേരിന്റെ സാരം. രാമന്‍ എല്ലാവരുടെയും ഉള്ളിലാണ്, രാമന്‍ എല്ലാവരോടൊപ്പമുണ്ട്- പ്രിയങ്ക പ്രസ്താവനയില്‍ വ്യക്തമാക്കുന്നു.
