പത്തനംതിട്ട: ജലനിരപ്പ് ഉയര്ന്നതിനെ തുടര്ന്ന് പമ്പ ഡാം തുറന്നു. അണക്കെട്ടിന്റെ ആറ് ഷട്ടറുകള് രണ്ടടി വീതമാണ് ഉയര്ത്തിയത്. അഞ്ചുമണിക്കൂറിനകം വെള്ളം റാന്നിയിലെത്തുമാണ് കരുതുന്നത്. ഡാം തുറക്കുമ്പോള് നാല്പ്പത് സെന്റിമീറ്ററാണ് പമ്പയില് ജലനിരപ്പ് ഉയരുക. 983.5 മീറ്റര് ജലമാണ് ഇപ്പോള് പമ്പ അണക്കെട്ടിലുള്ളത്. നിലവില് ഡാം തുറക്കുന്നതിനുള്ള ഓറഞ്ച് അലര്ട്ട് മാത്രമാണ് പുറപ്പെടുവിച്ചിട്ടുള്ളത്.
ജലനിരപ്പ് 984.5 ആകുമ്പോള് റെഡ് അലര്ട്ട് പ്രഖ്യാപിച്ച ശേഷം ജലനിരപ്പ് 985 മീറ്ററിലെത്തുമ്പോളാണ് ഡാം തുറക്കേണ്ടത്. എന്നാല് 983.5 മീറ്റര് ജലനിരപ്പ് എത്തിയപ്പോള് തന്നെ തുറക്കാന് തീരുമാനിക്കുകയായിരുന്നുവെന്ന് പത്തനംതിട്ട ജില്ല കളക്ടര് പി.ബി.നൂഹ് അറിയിച്ചിട്ടുണ്ട്.