ഓസിസിനെ തകര്ത്ത ഇന്ത്യയ്ക്ക് ലോകത്തിന്റെ പല ഭാഗങ്ങളില് നിന്നും ആശംസാ പ്രവാഹമാണ്. 71 വര്ഷത്തിന് ശേഷം ഓസീസ് മണ്ണില് ടെസ്റ്റ് പരമ്പര നേടിയതിന്റെ സന്തോത്തിലാണ് എല്ലാവരും. കായിക ലോകത്തുള്ള പല പ്രമുഖരും ഇന്ത്യന് പ്രധാനമന്ത്രി നരേന്ദ്ര മോദിയും, രാഷ്ട്രപതിയും ഉള്പ്പെടെയുള്ള പല പ്രമുഖരും ടീമിന് അഭിനന്ദനവുമായി എത്തിയിരുന്നു.
ഇപ്പോളിതാ ചരിത്ര നേട്ടം സ്വന്തമാക്കിയ ഇന്ത്യയ്ക്ക് ആശംസ നേര്ന്ന് പാക്കിസ്ഥാന് പ്രധാനമന്ത്രി ഇമ്രാന് ഖാനുമെത്തിയിരിക്കുകയാണ്. ഓസ്ട്രേലിയയില് ടെസ്റ്റ് പരമ്പര ജയിച്ച ഉപഭുഖണ്ഡത്തില് നിന്നുമുള്ള ആദ്യ ടീമായ കൊഹ്ലിക്കും സംഘത്തിനും ആശംസകള് എന്നായിരുന്നു ഇമ്രാന് ഖാന് തന്റെ ട്വിറ്ററില് കുറിച്ചത്.
Congratulations to Virat Kohli and the Indian cricket team for the first ever win by a subcontinent team in a test series in Australia
— Imran Khan (@ImranKhanPTI) January 8, 2019
പാക്ക് മുന് താരം ഷുഐബ് അക്തറും ഇന്ത്യന് സംഘത്തിന് അഭിനന്ദനവുമായി എത്തിയിരുന്നു. ഓസ്ട്രേലിയന് മണ്ണിലെ ടെസ്റ്റ് പരമ്പരയാണ് ലോക ക്രിക്കറ്റിലെ ഏറ്റവും ബുദ്ധിമുട്ടേറിയത്. എന്നാല് ഇന്ത്യയുടെ ശ്രമം മഹത്തരമാണ്. പരമ്പരയില് ഉടനീളം ഓസീസിനെ ഇന്ത്യ സമ്മര്ദ്ദത്തിലാക്കി പോന്നുവെന്നും അക്തര് ട്വിറ്ററില് കുറിച്ചു.
Congratulations to Team India for a historic series victory Down Under. One of the toughest tours in world cricket is a Test Series in Australia. It was a great effort and they kept Aussies under pressure throughout. #DownUnder #INDvAUS
— Shoaib Akhtar (@shoaib100mph) January 7, 2019
ഇന്ത്യയുമായി നയതന്ത്രപരമായ പല കാര്യങ്ങളിലും എതിരാണെങ്കിലും ഇത്തരം ഒരു നേട്ടം സ്വന്തമാക്കിയ അവസരത്തില് അതല്ലാം മറന്ന് ഇന്ത്യന് ടീമിനെ അഭിനന്ദിക്കാന് എത്തിയ പാക്ക് പ്രധാനമന്ത്രിക്കും ഷുഐബ് അക്തറിനും നേരെ കയ്യടിക്കുകയാണ് ഇന്ത്യയിലേയും പാക്കിസ്ഥാനിലേയും ക്രിക്കറ്റ് പ്രേമികള്.