അമൃത്സര്: പെഷാവാറിലെ പഞ്ച് തീര്ഥ് ക്ഷേത്രം ഇന്ത്യക്കാര്ക്ക് തുറന്നുകൊടുത്ത് പാകിസ്ഥാന്. കര്താര്പൂരിന് ശേഷം പെഷാവാറിലെ ക്ഷേത്രമാണ് ഹിന്ദുമത വിശ്വാസികള്ക്കായി പാകിസ്ഥാന് വീണ്ടും തുറന്നുകൊടുത്തിരിക്കുന്നത്.
ഖൈബര് പഖ്തൂന്ഖ്വയിലാണ് ക്ഷേത്രം സ്ഥിതി ചെയ്യുന്നത്. പഞ്ച തീര്ഥ് ക്ഷേത്രത്തെ ദേശീയ പൈതൃക പട്ടികയില് പാകിസ്ഥാന് ഉള്പ്പെടുത്തിയിരുന്നു. വനവാസ കാലത്ത് പഞ്ചപാണ്ഡവര് നിര്മിച്ച ക്ഷേത്രമാണിതെന്നാണ് വിശ്വാസം.
ക്ഷേത്ര നവീകരണ ജോലികള് പുരോഗമിക്കുകയാണെന്ന് പാകിസ്ഥാന് എവക്യൂ ട്രസ്റ്റ് പ്രോപ്പര്ട്ടി ചെയര്മാന് ആമിര് അഹമ്മദ് ദേശീയമാധ്യമമായ ടൈംസ് ഓഫ് ഇന്ത്യയോട് പറഞ്ഞു.
വിഭജനത്തിന് ശേഷം ക്ഷേത്രം സന്ദര്ശിക്കാന് ഇന്ത്യയിലെ ഹിന്ദുക്കള്ക്ക് തുറന്നുകൊടുത്തിരുന്നില്ല. ക്ഷേത്രം തുറന്നുകൊടുക്കാനുള്ള തീരുമാനത്തെ പാകിസ്ഥാനിലെ ഹിന്ദു സമൂഹം സ്വാഗതം ചെയ്തു. സിഖ് ആരാധനാലയങ്ങളായ ഗുരുദ്വാര ദേവാ സാഹിബ്, ഗുരുദ്വാര ഖാര സാഹിബ് എന്നിവയും ഇന്ത്യയിലെ വിശ്വാസികള്ക്കായി തുറന്നുകൊടുത്തിരുന്നു.