പാകിസ്ഥാനില്‍ സ്കൂള്‍ വാനിന് നേരെയുണ്ടായ വെടിവയ്പ്പിൽ അധ്യാപികമാര്‍ക്ക് പരിക്ക്

ഇസ്ലാമാബാദ് : പാകിസ്ഥാനില്‍ സ്‌കൂൾ വാനിന് നേരെ അജ്ഞാത സംഘം വെടിയുതിർത്തതിനെ തുടര്‍ന്ന് നാല് അധ്യാപികമാർക്ക് പരിക്ക്. രാജ്യത്തെ തെക്കുപടിഞ്ഞാറൻ ബലൂചിസ്ഥാൻ പ്രവിശ്യയിലുള്ള മസ്തംഗ് ജില്ലയിലാണ് സംഭവം. ക്ലാസ് കഴിഞ്ഞ് വീട്ടിലേക്ക് മടങ്ങുന്ന സമയത്താണ് ആക്രമണമുണ്ടായത്.

പരിക്കേറ്റവരെ അടുത്തുള്ള ആശുപത്രിയിലേക്ക് മാറ്റി. ഇവരുടെ ആരോഗ്യനില മെച്ചപ്പെട്ടുവരുന്നു. പ്രദേശത്ത് പൊലീസ് നിരീക്ഷണം ഊര്‍ജിതമാക്കിയിട്ടുണ്ട്. അതേസമയം, സംഭവത്തിന്‍റെ ഉത്തരവാദിത്തം ഏറ്റെടുത്ത് സംഘടനകളോ വ്യക്തികളോ ഇതുവരെ രംഗത്തെത്തിയിട്ടില്ല.

Top