ശക്തമായ എഞ്ചിന്, അസാധാരണമായ പ്രകടനം, സമാനതകളില്ലാത്ത സുഖസൗകര്യങ്ങള് തുടങ്ങിയവകൊണ്ട് എസ്.യു.വികളുടെ ലോകത്ത് ശക്തിയുടെ പ്രതീകമായി തല ഉയര്ത്തി നില്ക്കുന്ന മോഡലാണ് ടൊയോട്ട ഫോര്ച്യൂണര്. ദീര്ഘായുസ്സിനു പേരുകേട്ട ഫോര്ച്യൂണര് ലക്ഷക്കണക്കിന് കിലോമീറ്ററുകള് ഒരു തടസ്സവുമില്ലാതെ ഓടുന്നു. വിപണിയിലെത്തി ഒന്നര പതിറ്റാണ്ടിലേറെയായിട്ടും അതിന്റെ റോഡ് സാന്നിധ്യം സമാനതകളില്ലാത്തതാണ്. 32.99 ലക്ഷം രൂപ എക്സ്ഷോറൂം വിലയില് ആരംഭിക്കുന്ന ഫോര്ച്യൂണറിന്റെ പ്രീമിയം സെഗ്മെന്റ് പ്ലേസ്മെന്റ് അതിനെ പലര്ക്കും അപ്രാപ്യമാക്കുന്നു. ടോപ്-ടയര് വേരിയന്റിന് 50.74 ലക്ഷം രൂപയാണ് വില.
ദില്ലി എന്സിആറില് നടപ്പിലാക്കിയ സ്ക്രാപ്പേജ് നയം ആണ് ഫോര്ച്യൂണറുകളെ കുറഞ്ഞ വിലക്ക് സ്വന്തമാക്കാനാണ് അവസരമൊരുക്കിയിട്ടുള്ളത്. ഈ നയത്തിന് കീഴില്, 10 വര്ഷത്തിലധികം പഴക്കമുള്ള ഡീസല് കാറുകള് നിയന്ത്രണങ്ങള് നേരിടുന്നതിനാല് ഒരു പതിറ്റാണ്ടില് താഴെ പഴക്കമുള്ള വാഹനങ്ങള് ഇപ്പോള് യൂസ്ഡ് കാര് വിപണിയില് നിറഞ്ഞിരിക്കുന്നു. ഈ വാഹനങ്ങള്ക്ക് നോ ഒബ്ജക്ഷന് സര്ട്ടിഫിക്കറ്റ് (എന്ഒസി) ലഭിക്കുന്നതിലൂടെ, ഡീസല് കാറുകള് 15 വര്ഷം നീണ്ടുനില്ക്കുന്ന പഞ്ചാബ്, മധ്യപ്രദേശ്, രാജസ്ഥാന്, ഗുജറാത്ത് തുടങ്ങിയ സംസ്ഥാനങ്ങളില് അവ വീണ്ടും രജിസ്റ്റര് ചെയ്യാന് സാധിക്കും.
ഡല്ഹി എന്സിആറില് 2013 മുതല് 2015 വരെയുള്ള ടൊയോട്ട ഫോര്ച്യൂണര് മോഡലുകള്ക്ക് എട്ട് ലക്ഷം മുതല് 12 ലക്ഷം രൂപ വരെ വിലയുണ്ട്. രജിസ്ട്രേഷന്, ഇന്ഷുറന്സ്, എന്ഒസി എന്നിവ നേടിയ ശേഷം, ഈ വാഹനങ്ങള് മറ്റൊരു സംസ്ഥാനത്ത് വീണ്ടും രജിസ്റ്റര് ചെയ്യാന് സാധിക്കും. പുതിയ ഫോര്ച്യൂണറുമായി താരതമ്യപ്പെടുത്തുമ്പോള്, 30 ലക്ഷം മുതല് 35 ലക്ഷം രൂപ വരെയുള്ള ഈ മോഡലുകള് വളരെ കുറഞ്ഞ വിലയില് ലഭ്യമാകും. ഇതിനായി പ്രശസ്ത സെക്കന്ഡ്-ഹാന്ഡ് കാര് ഡീലര്മാരെയോ സ്പിന്നി, കാര്സ്24 തുടങ്ങിയ ഓണ്ലൈന് യൂസ്ഡ് കാര് മാര്ക്കറ്റുകളെയോ ഒഎല്എക്സ് പോലുള്ള ജനപ്രിയ പ്ലാറ്റ്ഫോമുകളെയോ സമീപിക്കാവുന്നതാണ്.
4×4, ഓള്-വീല് ഡ്രൈവ്, 4×2 ഓപ്ഷനുകള് എന്നിവയുള്പ്പെടെ വിവിധ കോണ്ഫിഗറേഷനുകളില് ടൊയോട്ട ഫോര്ച്യൂണര് വാഗ്ദാനം ചെയ്യുന്നു. കൂടാതെ, മാനുവല്, ഓട്ടോമാറ്റിക് ട്രാന്സ്മിഷനുകള് ലഭ്യമാണ്. എസ്യുവിക്ക് 163.6 ബിഎച്ച്പി നല്കുന്ന ശക്തമായ 2.7 ലിറ്റര് പെട്രോള് എഞ്ചിനും 201 ബിഎച്ച്പി പവര് ഔട്ട്പുട്ടുള്ള 2.8 ലിറ്റര് ഡീസല് എന്ജിനുമാണുള്ളത്.