ദുല്ഖര് സല്മാന് നായകനാകുന്ന ഒരു യമണ്ടന് പ്രേമകഥ യിലെ ക്യാരക്ടര് പോസ്റ്റര് പുറത്തുവിട്ടു. സലിംകുമാറിന്റെ ക്യാരക്ടര് പോസ്റ്ററാണ് പുറത്തുവിട്ടിരിക്കുന്നത്. പാഞ്ചിക്കുട്ടന് എന്നാണ് സലിം കുമാറിന്റെ കഥാപാത്രത്തിന്റെ പേര്. ‘മാരക മേസ്തിരി ‘ എന്ന എന്ന ടൈറ്റിലോടെയാണ് സലിംകുമാറിന്റെ ക്യാരക്ടര് പോസ്റ്റര് അണിയറപ്രവര്ത്തകര് പുറത്തുവിട്ടിരിക്കുന്നത്.
ബിബിന് ജോര്ജ് ,വിഷ്ണു ഉണ്ണികൃഷ്ണന് കൂട്ടുകെട്ട് തിരക്കഥയൊരുക്കുന്ന ചിത്രം സംവിധാനം ചെയ്യുന്നത് നവാഗതനായ ബി.സി നൗഫലാണ്.
സംയുക്ത മേനോന്, നിഖില വിമല് എന്നിവരാണ് ചിത്രത്തില് നായികമാരായി എത്തുന്നത്. സൗബിന് ഷാഹിര്, രമേശ് പിഷാരടി, ധര്മജന് ബോള്ഗാട്ടി, സലിം കുമാര്, തിരക്കഥാകൃത്തുക്കളായ വിഷ്ണു ഉണ്ണികൃഷ്ണന്, ബിബിന് ജോര്ജ് എന്നിവരും ചിത്രത്തില് അണി നിരക്കും. ചിത്രം ഏപ്രില് 25ന് പ്രദര്ശനത്തിന് എത്തും.