ദുല്ഖര് സല്മാന് നായകനാകുന്ന ഒരു യമണ്ടന് പ്രേമകഥയിലെ പുതിയ ക്യാരക്ടര് പോസ്റ്റര് പുറത്തുവിട്ടു. വാവത്താത്തി എന്ന കാഥാപാത്രത്തിന്റെ ക്യാരക്ടര് പോസ്റ്ററാണ് പുറത്തുവിട്ടിരിക്കുന്നത്. ‘അടുക്കളയുടെ റാണി’ എന്ന ടൈറ്റിലോടെയാണ് പുതിയ ക്യാരക്ടര് പോസ്റ്റര് പുറത്തുവിട്ടിരിക്കുന്നത്.
ബിബിന് ജോര്ജ് ,വിഷ്ണു ഉണ്ണികൃഷ്ണന് കൂട്ടുകെട്ട് തിരക്കഥയൊരുക്കുന്ന ചിത്രം സംവിധാനം ചെയ്യുന്നത് നവാഗതനായ ബി.സി നൗഫലാണ്.
സംയുക്ത മേനോനും നിഖില വിമലുമാണ് ചിത്രത്തിലെ നായികമാര്. സൗബിന് ഷാഹിര്, രമേശ് പിഷാരടി, ധര്മജന് ബോള്ഗാട്ടി, സലിം കുമാര്, തിരക്കഥാകൃത്തുക്കളായ വിഷ്ണു ഉണ്ണികൃഷ്ണന്, ബിബിന് ജോര്ജ് എന്നിവരും ചിത്രത്തില് അണി നിരക്കും. ചിത്രം ഏപ്രില് 25ന് പ്രദര്ശനത്തിന് എത്തും.