ഓപ്പോയുടെ റെനോ 2 പരമ്പര സ്മാർട്ഫോണുകൾ ഓഗസ്റ്റ് 28 ന് ഇന്ത്യൻ വിപണിയിലെത്തും. ഓപ്പോ തന്നെയാണ് പുതിയ ഫോണുകൾ പുറത്തിറക്കുന്നതിനെ കുറിച്ച് പ്രഖ്യാപിച്ചത്.
ക്വാഡ് ക്യാമറ സംവിധാനത്തോടെ എത്തുന്ന ഫോണിൽ 20 X സൂം സൗകര്യവും ലഭ്യമാകും. ആദ്യ ഓപ്പോ റെനോ ഫോണുകളിൽ അവതരിപ്പിച്ച ഷാർക്ക് ഫിൻ സെൽഫി ക്യാമറയാവും ഫോണിൽ.
Introducing #OPPOReno2 #Quadcam with #20xZoom. Coming first to India on 28.08.2019 pic.twitter.com/ySwRdeoXLa
— OPPO India (@oppomobileindia) August 16, 2019
റെനോ 2 പരമ്പരയിൽ രണ്ട് ഫോണുകളായിരിക്കും ഓപ്പോ അവതരിപ്പിക്കുക. ഒന്ന് റെനോ 2 സ്റ്റാന്റേർഡ് പതിപ്പും. രണ്ടാമത്തേത് റെനോ 20X സൂം പതിപ്പുമാണ്.
6.43 ഇഞ്ച് അമോലെഡ് ഡിസ്പ്ലേ ആയിരിക്കും ഫോണിനെന്നാണ് റിപ്പോർട്ടുകൾ. ഫുൾ വ്യൂ ഡിസ്പ്ലേ ആയിരിക്കും. ഫോണിന്റെ ബാറ്ററി കപ്പാസിറ്റി 4065 എംഎഎച്ച് ആയിരിക്കും. ബാറ്ററിയിൽ വൂക്ക് അതിവേഗ ചാർജർ സൗകര്യവും ഉണ്ടാവും..
