ന്യൂഡല്ഹി: നിയമസഭാ തെരഞ്ഞെടുപ്പില് നേമത്ത് കോണ്ഗ്രസ് സ്ഥാനാര്ത്ഥിയാവാന് തയ്യാറെന്ന് മുന് മുഖ്യമന്ത്രി ഉമ്മന് ചാണ്ടി. നേമത്ത് മത്സരിക്കാന് തയ്യാറാണെന്ന് ഉമ്മന് ചാണ്ടി ഹൈക്കമാന്ഡിനെ അറിയിച്ചതായാണ് വിവരം.
ഉമ്മന്ചാണ്ടിയോ രമേശ് ചെന്നിത്തലയോ മത്സരിക്കാന് തയ്യാറാകണമെന്നായിരുന്നു ഹൈക്കമാന്ഡിന്റെ ആവശ്യം. ഇതിന് പിന്നാലെയാണ് ഉമ്മന് ചാണ്ടി അനുകൂല നിലപാട് സ്വീകരിച്ചത്. ഉമ്മന് ചാണ്ടിയുടെ മണ്ഡലമായ പുതുപ്പള്ളിയില് ചാണ്ടി ഉമ്മനായിരിക്കും സാധ്യത.
കെ മുരളീധരന്റെ പേരും നേമത്തേക്ക് സജീവമായി പരിഗണിച്ചിരുന്നു. എന്നാല് എംപിമാര് മത്സര രംഗത്തേക്ക് വരേണ്ടതില്ലെന്ന പൊതുനിലപാടാണ് തടസം. എംപിമാര് മത്സര രംഗത്ത് ഉണ്ടാകുമോ എന്ന് നാളെ അറിയാമെന്നാണ് മുല്ലപ്പള്ളി രാമചന്ദ്രന് വ്യക്തമാക്കിയത്. ഒറ്റ ഘട്ടമായി നാളെ വൈകീട്ട് പട്ടിക പുറത്തിറക്കാനാണ് ഉദ്ദേശിക്കുന്നതെന്നും മുല്ലപ്പള്ളി വ്യക്തമാക്കി.