കല്പ്പറ്റ: കൊവിഡ് വ്യാപനം അതിരൂക്ഷമായി തുടരുന്ന കര്ണാടകയില് രണ്ടാഴ്ചത്തേക്ക് ലോക്ക്ഡൗണ് പ്രഖ്യാപിച്ച സാഹചര്യത്തില് വയനാട്ടില് നിന്നുള്ള ചരക്കുവാഹനങ്ങള്ക്ക് മാത്രമെ ഇനി മുതല് പ്രവേശന അനുമതി നല്കൂ. കര്ണാടക അധികൃതരില് നിന്ന് വിവരം ലഭിച്ചതിനെ തുടര്ന്ന് വയനാട് ജില്ലാ പൊലീസ് മേധാവി ഡോ. അരവിന്ദ് സുകുമാര് ആണ് ഇക്കാര്യമറിയിച്ചത്.
ഇതോടെ കര്ണാടകയിലേക്കും കര്ണാടക വഴി മറ്റു സംസ്ഥാനങ്ങളിലേക്കുമുള്ള ബസ് സര്വ്വീസുകള് അടക്കം നിര്ത്തിവെക്കേണ്ടി വരും. പൊതു-സ്വകാര്യ വാഹനങ്ങള്ക്ക് സംസ്ഥാന അതിര്ത്തി ചെക്ക് പോസ്റ്റുകളായ മുത്തങ്ങ, ബാവലി, തോല്പ്പെട്ടി വഴി കര്ണാടകയിലേക്ക് പോകാന് അനുമതി ഉണ്ടായിരിക്കില്ല. അതേ സമയം അടിയന്തര ആവശ്യങ്ങള്ക്കായി മതിയായ രേഖകളോടെ കര്ണാടകയിലേക്ക് വാഹനങ്ങള്ക്ക് പോകാന് സാധിക്കുമെന്നും ജില്ലാ പൊലീസ് മേധാവി അറിയിച്ചു.