തിരുവനന്തപുരം: സംസ്ഥാനത്തെ സ്‌കൂളുകളില്‍ ജാതിയും മതവും വേണ്ടെന്നു വച്ചവര്‍ 2,984 പേര്‍ മാത്രമാണെന്ന് ഐടി അറ്റ് സ്‌കൂള്‍ എക്‌സിക്യുട്ടീവ് ഡയറക്ടര്‍ അന്‍വര്‍ സാദത്ത്. മതരഹിത കുട്ടികളുടെ പുതിയ കണക്കുകള്‍ ഫേസ്ബുക്കിലുടെയാണ് അദ്ദേഹം പുറത്ത് വിട്ടത്.
പുതിയ കണക്ക് പ്രകാരം ജാതി-മതമില്ലാത്തവര്‍ (നോണ്‍ റിലീജിയസ്)എന്ന് രേഖപ്പെടുത്തിയത് കേവലം 748 പേര്‍ മാത്രമാണ്. മതം ബാധകമല്ല (നോട്ട് അപ്ലിക്കബിള്‍) എന്ന് രേഖപ്പെടുത്തിയത് 486 പേര്‍ മാത്രവും. ഈ രണ്ട് ഗണത്തിലുള്ളവരെ പരിഗണിച്ചാല്‍ 1234 പേര്‍ മാത്രമാണ് മതമില്ലെന്ന് വ്യക്തമാക്കി പ്രവേശനം നേടിയവര്‍.
ജാതിയും മതവുമില്ലാത്ത ഒന്നേകാല്‍ ലക്ഷം കുട്ടികള്‍ പ്രവേശനം നേടിയെന്നാണ് വിദ്യാഭ്യാസ മന്ത്രി നിയമസഭയില്‍ അറിയിച്ച കണക്ക്. കോളം പൂരിപ്പിക്കാത്തവരെയും ജാതിമതം ഉപേക്ഷിച്ചവരായി കണക്കാക്കിയതാണ് പിഴവിനു കാരണമായതെന്നാണ് വിശദീകരണം.
