തിരുവനന്തപുരം: കെ.പി.സി.സി. അധ്യക്ഷന് മുല്ലപ്പള്ളി രാമചന്ദ്രന്റെ പേരില് ഓണ്ലൈന് സാമ്പത്തിക തട്ടിപ്പ് നടത്തിയതായി പരാതി. മുല്ലപ്പള്ളിയുടെ പേരില് വ്യാജ ഇ-മെയില് ഐ.ഡി. നിര്മിച്ച് പണം ആവശ്യപ്പെട്ടാണ് തട്ടിപ്പ് നടത്തിയത്. ഇതിനെതിരേ മുഖ്യമന്ത്രിക്കും ഡി.ജി.പി.ക്കും പരാതി നല്കിയതായി മുല്ലപ്പള്ളി രാമചന്ദ്രന് ഫേസ്ബുക്ക് പോസ്റ്റഇലൂടെ അറിയിച്ചു.
മുല്ലപ്പള്ളിയുടെ ഫേസ്ബുക്ക് പോസ്റ്റ്:
വ്യാജ ഇമെയില് ഐഡി ഉപയോഗിച്ച് തന്റെ പേരില് വ്യാപകമായി ധനസഹായാഭ്യര്ത്ഥന നടത്തി പണം പിരിക്കുന്നതായി ശ്രദ്ധയില്പ്പെട്ടിട്ടുണ്ട്. അതിനെതിരെ മുഖ്യമന്ത്രിക്കും ഡിജിപിക്കും പരാതി നല്കി.
കഴിഞ്ഞ ദിവസങ്ങളില് ഇത്തരം തട്ടിപ്പ് വ്യാപകമായി നടന്നതിനെ തുടര്ന്ന് സഹപ്രവര്ത്തകരാണ് ഇക്കാര്യം തന്റെ ശ്രദ്ധയില്പ്പെടുത്തിയത്.ഇത്തരം തട്ടിപ്പ് സംഘത്തിന്റെ വലയില് വീഴാതിരിക്കാന് എല്ലാവരും ജാഗ്രത പുലര്ത്തണം. തന്റെ പേരില് വ്യാജ ഇമെയില് ഐഡി ഉണ്ടാക്കി ഇത്തരം തട്ടിപ്പ് നടത്തുന്നവരെ എത്രയും വേഗം പിടികൂടി നിയമത്തിന് മുന്നില് കൊണ്ടുവരണമെന്ന് മുഖ്യമന്ത്രിക്കും കേരള പോലീസ് മേധാവിക്കും നല്കിയ പരാതിയില് ആവശ്യപ്പെട്ടു.
മുല്ലപ്പള്ളി രാമചന്ദ്രന്
കെപിസിസി പ്രസിഡന്റ്