വണ്‍പ്ലസ് 8 നെക്കുറിച്ചുള്ള കൂടുതല്‍ വിവരങ്ങള്‍ ചോര്‍ന്നു. വണ്‍പ്ലസ് 8 ഇന്ത്യന്‍ വിപണിയില്‍ ആരംഭിക്കുന്നതിന് മുമ്പ് ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡുകളില്‍ നിന്ന് (ബിഐഎസ്) ഒരു സര്‍ട്ടിഫിക്കേഷന്‍ നേടേണ്ടതുണ്ട്. സര്‍ട്ടിഫിക്കേഷന്‍ നേടുന്ന സമയത്താണ് ഫോണിനെ കുറിച്ചുള്ള വിവരങ്ങള്‍ ചോര്‍ന്നതെന്നാണ് റിപ്പോര്‍ട്ട്.
വണ്‍പ്ലസ് 8 മായി ബന്ധപ്പെട്ട സവിശേഷതകളൊന്നും സര്‍ട്ടിഫിക്കേഷനില്‍ വെളിപ്പെടുത്തുന്നില്ല. വണ്‍പ്ലസ് 8 ന് നിലവിലെ തലമുറ വണ്‍പ്ലസ് 7 ടി യേക്കാള്‍ വലിയ നവീകരണം ലഭിക്കുമെന്ന് പ്രതീക്ഷിക്കുന്നു. ചോര്‍ന്ന റെന്‍ഡറുകളും വിവരങ്ങളും അനുസരിച്ച്, ഡിസ്പ്ലേ, ക്യാമറകള്‍ എന്നിവയുമായി ബന്ധപ്പെട്ട മേഖലകളില്‍ അപ്ഗ്രേഡ് ചെയ്യാന്‍ വണ്‍പ്ലസ് ശ്രമം നടത്തിയിട്ടുണ്ടാവാം.
പിഎന്‍പി റെസല്യൂഷനോടുകൂടിയ 90 ഹെര്‍ട്സ് ഡിസ്പ്ലേ വണ്‍പ്ലസ് 8 ല്‍ ഉണ്ടെന്നാണ് റിപ്പോര്‍ട്ട്. വണ്‍പ്ലസ് ഏറ്റവും പുതിയ സ്നാപ്ഡ്രാഗണ്‍ 865 ചിപ്സെറ്റ്, 4000 എംഎഎച്ച് ബാറ്ററി, പിന്നിലുള്ള പ്രധാന ക്യാമറയ്ക്കായി 64 മെഗാപിക്സല്‍ സോണി ഐഎംഎക്സ് 686 സെന്‍സര്‍ എന്നിവയും വാഗ്ദാനം ചെയ്തേക്കാമെന്നാണു സൂചന.
