ഓണം ബംബര്‍ നറുക്കെടുത്തു; 12 കോടി അടിച്ച ആ ഭാഗ്യ നമ്പര്‍ ഇതാണ്

തിരുവനന്തപുരം: സംസ്ഥാന സര്‍ക്കാറിന്റെ ഓണം ബമ്പര്‍ ലോട്ടറി നറുക്കെടുപ്പില്‍ ഒന്നാം സമ്മാനം TB173964 എന്ന നമ്പറിന്. 12 കോടി രൂപയാണ് ഒന്നാം സമ്മാനത്തിന് ലഭിക്കുന്നത്. എറണാകുളത്തുള്ള അജയ് കുമാര്‍ എന്നയാളുടെ ഏജന്‍സിയില്‍ നിന്ന് വില്‍പ്പന നടത്തിയ ടിക്കറ്റാണിത്. ഉച്ചയ്ക്ക് രണ്ട് മണിക്ക് തിരുവനന്തപുരം ഗോര്‍ഖി ഭവനില്‍ വെച്ചാണ് നറുക്കെടുപ്പ് നടന്നത്.

44.10 ലക്ഷം ടിക്കറ്റുകളാണ് വിറ്റഴിച്ചത്. സംസ്ഥാന ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയര്‍ന്ന സമ്മാനത്തുകയാണ് കഴിഞ്ഞ വര്‍ഷം മുതല്‍ ഓണം ബമ്പറിന് നല്‍കി വരുന്നത്. രണ്ടാം സമ്മാനമായി ഒരു കോടി രൂപ ആറു പേര്‍ക്ക്. സമ്മാനത്തിനര്‍ഹമായ ടിക്കറ്റുകള്‍- TA 738408 TB 474761 TC 570941 TD 764733 TE 360719 TG 787783

മൂന്നാം സമ്മാനമായി 10ലക്ഷം രൂപ വീതം 12 പേര്‍ക്കും ലഭിക്കും. തിരുവോണം ബമ്പര്‍ ഭാഗ്യക്കുറിക്ക് ഇത്തവണ മികച്ച വില്‍പ്പനയാണ് ഉണ്ടായത്. 44.10 ലക്ഷം ടിക്കറ്റുകള്‍ അച്ചടിച്ചത് വിറ്റു പോയിരുന്നു.

Top