തിരുവനന്തപുരം: സര്ക്കാര് ജീവനക്കാര്ക്ക് 4000 രൂപ ഓണം ബോണസ്. ബോണസിന് അര്ഹത ഇല്ലാത്തവര്ക്ക് പ്രത്യേക ഉത്സവബത്തയായി 2750 രൂപ നല്കും. സംസ്ഥാനത്തെ എല്ലാ സര്ക്കാര് ജീവനക്കാര്ക്കും ഓണം അഡ്വാന്സായി 15,000 രൂപ അഞ്ച് തുല്യ ഗഡുക്കളായി തിരിച്ചടയ്ക്കണമെന്ന വ്യവസ്ഥയില് അനുവദിക്കും.
പാര്ട്ട് ടൈം കണ്ടിന്ജന്റ് ഉള്പ്പെടെയുള്ള മറ്റ് ജീവനക്കാര്ക്ക് അഡ്വാന്സായി 5000 രൂപയും നല്കും. സര്വീസ് പെന്ഷന്കാര്ക്കും പങ്കാളിത്ത പെന്ഷന് പദ്ധതി പ്രകാരം വിരമിച്ച ജീവനക്കാര്ക്കും പ്രത്യേക ഉത്സവബത്ത 1000 രൂപയാണ്. കഴിഞ്ഞവര്ഷം ഉത്സവബത്ത ലഭിച്ച കരാര്സ്കീം തൊഴിലാളികള് ഉള്പ്പെടെ എല്ലാ വിഭാഗം ജീവനക്കാര്ക്കും അതേ നിരക്കില് ഈ വര്ഷവും ഉത്സവബത്ത ലഭിക്കുന്നതായിരിക്കും.