ടോക്യോ: ഒളിമ്പിക്സ് 65 കിലോഗ്രാം ഫ്രീസ്റ്റൈല് ഗുസ്തിയില് ഇന്ത്യയുടെ ബജ്രംഗ് പുനിയ സെമിഫൈനലില് കടന്നു. ക്വാര്ട്ടറില് ഇറാന്റെ മൊര്ട്ടേസ ഗാസിയെ ആണ് പുനിയ പരാജയപ്പെടുത്തിയത്. അവസാന നിമിഷം വരെ പിന്നില് നിന്ന ശേഷം നടത്തിയ തകര്പ്പന് തിരിച്ചുവരവിലൂടെയാണ് പുനിയ സെമി ഉറപ്പിച്ചത്.
പ്രീക്വാര്ട്ടറില് കിര്ഗിസ്ഥാന്റെ ഇമാസര് അക്മാറ്റലിയെ വീഴ്ത്തിയായിരുന്നു പുനിയ ക്വാര്ട്ടറില് പ്രവേശിച്ചത്. വെള്ളിയാഴ്ച ഉച്ചകഴിഞ്ഞ് 2.30ന് നടക്കുന്ന സെമി പോരാട്ടത്തില് അസര്ബൈജാന്റെ ഹാജി അലിവെ ആണ് പുനിയയുടെ എതിരാളി. റിയോ ഒളിമ്പിക്സിലെ മെഡല് ജേതാവാണ് മൂന്ന് തവണ ലോക ചാമ്പ്യന്ഷിപ്പ് നേടിയിട്ടുള്ള ഹാജി അലിവെ.