ടോക്കിയോ: ഒളിമ്പിക്‌സിന് ഇനി ദിവസങ്ങൾ മാത്രം ശേഷിക്കുന്നു. ഇതിന് മുന്നോടിയായി 10,000 വോളന്റീയർമാർ പിന്‍വാങ്ങി. കൊവിഡ് പശ്ചാത്തലത്തിലാണ് ഗെയിംസിന് 50 ദിവസം മാത്രം ബാക്കിയുള്ളപ്പോള്‍ വോളന്റീയർമാരുടെ പിന്‍മാറ്റം.
നേരത്തെ പരിശീലനം പൂര്‍ത്തിയാക്കിയ 80,000 വോളന്റീയർമാരില്‍ നിന്നും വലിയൊരു സംഘമാണിപ്പോള്‍ പിന്‍മാറിയിരിക്കുന്നത്. കൊവിഡ് പശ്ചാത്തലത്തില്‍ കഴിഞ്ഞ വര്‍ഷം മാറ്റിവെച്ച ഒളിമ്പിക്‌സാണ് ഈ വര്‍ഷം ടോക്കിയോയില്‍ നടക്കാനിരിക്കുന്നത്. ജൂലൈ 23 മുതല്‍ ഓഗസ്റ്റ് എട്ട് വരെയാണ് ഗെയിംസ്.
അതേസമയം വോളന്റീയർമാർരുടെ പിന്‍മാറ്റത്തിന് പിന്നില്‍ മറ്റ് കാരണങ്ങളുണ്ടെന്നും ഒളിമ്പിക് സംഘാടകര്‍ കൂട്ടിച്ചേര്‍ത്തു. ഗെയിംസ് തലവന്‍ യോഷിറോ മോറിയുടെ സ്‌ത്രീ വിരുദ്ധ പരാമര്‍ശവും കൊവിഡിനെ തുടര്‍ന്ന് ഗെയിംസ് പുനക്രമീകരിച്ചതും വോളന്റീയർമാർരുടെ പിന്‍മാറ്റത്തിന് ഇടയാക്കിയിട്ടുണ്ടെന്ന നിഗമനത്തിലാണ് അധികൃതര്‍
