ലൈം ഗ്രീന്‍, ഇലക്ട്രിക് ബ്ലൂ എന്നീ രണ്ട് പുതിയ വൈബ്രന്റ് കളര്‍ സ്‌കീമുകളില്‍ എസ്1 പുറത്തിറക്കുമെന്ന് ഒല ഇലക്ട്രിക് സ്ഥിരീകരിച്ചു. കൂടാതെ, പുതിയ വേരിയന്റിനൊപ്പം കമ്പനി ഇലക്ട്രിക് സ്‌കൂട്ടര്‍ മോഡല്‍ ലൈനപ്പ് വിപുലീകരിക്കും. രണ്ട് അപ്ഡേറ്റുകളും 2023 ജൂലൈയില്‍ അവതരിപ്പിക്കും.
എസ്1 സ്റ്റാന്‍ഡേര്‍ഡ്, എസ്1 പ്രോ, എസ്1 എയര്‍ എന്നീ ഇലക്ട്രിക് സ്‌കൂട്ടറിന്റെ മൂന്ന് വേരിയന്റുകളിലും പുതിയ നിറങ്ങള്‍ നല്‍കുമെന്ന് പ്രതീക്ഷിക്കുന്നു. നിലവില്‍, ലിക്വിഡ് സില്‍വര്‍, ജെറ്റ് ബ്ലാക്ക്, ആന്ത്രാസൈറ്റ് ഗ്രേ, മാറ്റ് ബ്ലാക്ക്, കോറല്‍ ഗ്ലാം, ജെറുവ, പോര്‍സലൈന്‍ വൈറ്റ്, മിഡ്നൈറ്റ് ബ്ലൂ, മാര്‍ഷ്മാലോ, നിയോ മിന്റ്, മില്ലേനിയല്‍ പിങ്ക് എന്നിങ്ങനെ 11 പെയിന്റ് സ്‌കീമുകളില്‍ ഇത് ലഭ്യമാണ്.
അടുത്തിടെ കമ്പനി തങ്ങളുടെ ജിഗാഫാക്ടറിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചു. ഇന്ത്യയിലെ ഏറ്റവും വലിയ ഉല്‍പ്പാദന കേന്ദ്രമായ ഈ പ്ലാന്റ് രാജ്യത്തെ വൈദ്യുത വാഹന ബാറ്ററികളുടെ പ്രാദേശിക ഉല്‍പ്പാദനം വര്‍ധിപ്പിക്കും. തമിഴ്നാട്ടിലെ കൃഷ്ണഗിരിയില്‍ 115 ഏക്കറിലാണ് ഒലയുടെ പുതിയ ഉല്‍പ്പാദന കേന്ദ്രം.
അടുത്ത വര്‍ഷം ആദ്യം മുതല്‍ ഫാക്ടറി പ്രവര്‍ത്തനക്ഷമമാകുമെന്ന് കമ്പനി സ്ഥിരീകരിച്ചു. ഇതിന് 5GWh (ബാറ്ററി സെല്ലുകളില്‍) ഉല്‍പാദന ശേഷി ഉണ്ടായിരിക്കും, അതിന്റെ പൂര്‍ണ്ണ ശേഷിയില്‍ ഇതിന് 100GWh ശേഷി ഉണ്ടായിരിക്കും. ബെംഗളൂരുവില്‍ ബാറ്ററി ഇന്നൊവേഷന്‍ സെന്റര്‍ സ്ഥാപിക്കുന്നതിനായി 500 മില്യണ്‍ ഡോളറിന്റെ നിക്ഷേപം ഓല ഇലക്ട്രിക് കഴിഞ്ഞ വര്‍ഷം പ്രഖ്യാപിച്ചിരുന്നു.
വരും മാസങ്ങളില്‍ വില്‍പ്പന ശൃംഖല 1,000 ടച്ച് പോയിന്റുകളിലേക്ക് വിപുലീകരിക്കാനാണ് ഒല ഇലക്ട്രിക് ലക്ഷ്യമിടുന്നത്. ഒന്നു- രണ്ട് ശതമാനം മുതല്‍ എട്ട് – പത്ത് ശതമാനം വരെ ഇവി വില്‍പ്പന വര്‍ദ്ധിപ്പിക്കുന്നതിനായി, ഇരുചക്രവാഹന നിര്‍മ്മാതാവ് അതിന്റെ അനുഭവ കേന്ദ്രങ്ങള്‍ ടയര്‍ I, ടയര്‍ II നഗരങ്ങളില്‍ സ്ഥാപിക്കും.
കൂടാതെ, പ്രതിമാസ വില്‍പ്പന 50,000 യൂണിറ്റ് വരെ കൈവരിക്കാനും കമ്പനി ലക്ഷ്യമിടുന്നു. ഇ-സ്‌കൂട്ടറുകളും പ്രീമിയം ഇ-ബൈക്കുകളും ഉള്‍പ്പെടെ പുതിയ ഇലക്ട്രിക് ഇരുചക്രവാഹനങ്ങളുടെ ഒരു ശ്രേണി ഒല ആസൂത്രണം ചെയ്തിട്ടുണ്ട്. ഇലക്ട്രിക് ബൈക്ക് നിരയില്‍ ക്രൂയിസര്‍, അഡ്വഞ്ചര്‍ ടൂറര്‍, സ്‌പോര്‍ട്‌സ് ബൈക്ക്, റോഡ് ബൈക്ക്, മാസ് മാര്‍ക്കറ്റ് ബൈക്ക് എന്നിവയുണ്ടാകും.
