കേന്ദ്രം സബ്‌സിഡി കുറച്ചു, വില കുതിച്ച് ഒല സ്‌കൂട്ടറുകള്‍

വിലയില്‍ വന്‍ വര്‍ധനവുമായി ഒല ഇലക്ട്രിക്. തങ്ങളുടെ എസ്1, എസ്1 പ്രോ ഇലക്ട്രിക് സ്‌കൂട്ടറുകളുടെ വിലയാണ് വര്‍ധിപ്പിച്ചത്.
ഫെയിംII സ്‌കീമിന് കീഴിലുള്ള സബ്സിഡി നിരക്ക് ഈ മാസം മുതല്‍ വെറും 15 ശതമാനമായി കുറയ്ക്കാന്‍ കേന്ദ്രം തീരുമാനിച്ചതോടെയാണിത്. ദിവസങ്ങള്‍ക്ക് ശേഷമാണ് വില വര്‍ദ്ധന. ഈ തീരുമാനം കാരണം ഉടന്‍ തന്നെ മറ്റ് ഇവി നിര്‍മ്മാതാക്കളും വില കൂട്ടിയേക്കും എന്നാണ് റിപ്പോര്‍ട്ടുകള്‍.

ഒല ഇലക്ട്രിക്കിന്റെ ഔദ്യോഗിക വെബ്‌സൈറ്റ് അനുസരിച്ച് , എസ്1 ഇലക്ട്രിക് സ്‌കൂട്ടറിന്റെ എക്‌സ്-ഷോറൂം വില 1.30 ലക്ഷം രൂപ ആയിരിക്കും . മെയ് മാസം വരെ ഇതേ മോഡലിന് 1.15 ലക്ഷം രൂപയായിരുന്നു വില. 3 kWh ബാറ്ററി പായ്ക്ക് ട1 ഇലക്ട്രിക് സ്‌കൂട്ടറില്‍ ഒല വാഗ്ദാനം ചെയ്യുന്നു. ഒറ്റ ചാര്‍ജില്‍ ഏകദേശം 141 കിലോമീറ്റര്‍ സര്‍ട്ടിഫൈഡ് റേഞ്ച് വാഗ്ദാനം ചെയ്യാന്‍ ഈ സ്‌കൂട്ടറിന് കഴിയും എന്നാണ് കമ്പനി പറയുന്നത്.

ഇവി നിര്‍മ്മാതാവില്‍ നിന്നുള്ള മുന്‍നിര ഇലക്ട്രിക് സ്‌കൂട്ടറായ ഒല എസ്1 പ്രോയ്ക്ക് ഇപ്പോള്‍ 1.40 ലക്ഷം രൂപ എക്‌സ്-ഷോറൂം വില വരും. അതിന്റെ മുന്‍ വിലയായ 1.25 ലക്ഷം രൂപയില്‍ നിന്ന് 15,000 രൂപയോളം വര്‍ധിച്ചു . എസ്1 പ്രോ ഇലക്ട്രിക് സ്‌കൂട്ടറിന് 4 സണവ ബാറ്ററി പായ്ക്ക് ഉണ്ട്, ഒറ്റ ചാര്‍ജില്‍ 181 കിലോമീറ്റര്‍ വരെ സഞ്ചരിക്കാന്‍ കഴിയും. മണിക്കൂറില്‍ 116 കിലോമീറ്റര്‍ വരെ വേഗത വാഗ്ദാനം ചെയ്യാനും ഇതിന് കഴിയും.

എസ്1 എയര്‍ എന്ന പേരില്‍ മൂന്നാം മോഡലും ഒല ഇലക്ട്രിക്ക് പുറത്തിറക്കിയിട്ടുണ്ട്. ഒല എസ്1 എയര്‍ ഇലക്ട്രിക് സ്‌കൂട്ടര്‍ മൂന്ന് വേരിയന്റുകളില്‍ ലഭ്യമാണ്. വില 85,000 രൂപ മുതല്‍ ആരംഭിക്കുന്നു . എസ് 1 എയറിന്റെ മിഡ്, ടോപ്പ് വേരിയന്റുകള്‍ക്ക് യഥാക്രമം ഒരു ലക്ഷം, 1.10 ലക്ഷം എന്നിങ്ങനെ എക്സ് ഷോറൂം വില വരും . ഇലക്ട്രിക് സ്‌കൂട്ടര്‍ അടുത്ത മാസം മുതല്‍ ഉപഭോക്താക്കള്‍ക്ക് അയച്ചുതുടങ്ങും. ട1 മോഡലില്‍ ഉപയോഗിച്ച അതേ 3 സണവ ബാറ്ററി പാക്കിലാണ് ഇത് വരുന്നത്. എന്നിരുന്നാലും, ട1 എയറിന് ഒറ്റ ചാര്‍ജില്‍ 125 കിലോമീറ്റര്‍ വരെ റേഞ്ച് നല്‍കാന്‍ കഴിയും, ട1നേക്കാള്‍ 16 കിലോമീറ്റര്‍ കുറവാണ്. ട1 മോഡലിനേക്കാള്‍ 10 കിലോമീറ്റര്‍ കുറവ്, 85 സാുവ എന്ന ടോപ് സ്പീഡും ഇതിനുണ്ട്.