ഡല്ഹി : ആഗോള വിപണിയില് എണ്ണവില കുതിച്ചുയരുന്നു. വിപണിയില് ബ്രെന്ഡ് ക്രൂഡ് ബാരലിന് 74.56 ഡോളറാണ് ഇന്നത്തെ നിരക്ക്. കഴിഞ്ഞ ദിവസത്തെ നിരക്ക് ബാരലിന് 74.35 ഡോളറായിരുന്നു. അന്താരാഷ്ട്ര ക്രൂഡ് നിരക്ക് 75 ഡോളറിലേക്കാണ് എത്തുന്നത്. ഇത് അന്താരാഷ്ട്ര തലത്തില് ആശങ്ക വര്ധിപ്പിക്കുകയാണ്.
ഈ വര്ഷം ഇതുവരെ വിലയില് 44 ശതമാനം വര്ധനയാണ് ഉണ്ടായത്. ഇറാനില്നിന്ന് അസംസ്കൃത എണ്ണ ഇറക്കുമതി ചെയ്യാന് ഇന്ത്യ ഉള്പ്പെടെയുള്ള എട്ട് രാജ്യങ്ങള്ക്ക് അനുവദിച്ചിരുന്ന ഇളവ് മേയ് രണ്ടോടെ എടുത്തുകളയാനാണ് അമേരിക്കയുടെ തീരുമാനം. തിരുമാനത്തില് നിന്ന് പിന്നോട്ട് പോകില്ലെന്നാണ് അമേരിക്ക നല്കുന്ന സൂചന.