ഇന്ന് ദീപങ്ങളുടെ ഉത്സവമായ ദീപാവലി. പടക്കം പൊട്ടിച്ചും, ദീപം തെളിച്ചും, മധുരം നല്‍കിയും ദീപാവലി ആഘോഷിക്കുകയാണ് നാടും നഗരവും.
തിന്‍മയ്ക്ക് മേല്‍ നന്‍മ നേടിയ വിജയമാണ് ദീപാവലിയായി ആഘോഷിക്കുന്നത്. മഹാവിഷ്ണു നരകാസുരനെ വധിച്ച്‌ ജനങ്ങളെ രക്ഷിച്ച ദിവസമാണ് ദീപാവലിയെന്നാണ് ഐതിഹ്യം. മനുഷ്യമനസ്സുകളിലെ അന്ധകാരത്തെ അകറ്റി വെളിച്ചം കൊണ്ടുവരുക എന്നതാണ് ദീപാവലി നല്‍കുന്ന സന്ദേശം.
അന്തരീക്ഷ മലിനീകരണം തടയാന്‍ പടക്കം ഒഴിവാക്കാന്‍ ജനങ്ങളെ പ്രേരിപ്പിക്കുന്ന തിരക്കിലാണ് സര്‍ക്കാര്‍. കൊണാട്ട് പ്രേസില്‍ 6 -10 മണിവരെ ഒരു മണിക്കൂര്‍ ഇടവിട്ട് തിങ്കളാഴ്ച വരെ ലേസര്‍ ഷോയും സംഘടിപ്പിച്ചിട്ടുണ്ട്.
തിരക്കിനിടയിൽ ആവര്‍ത്തിക്കുന്ന മോഷണം തടയാനുള്ള കഠിന ശ്രമത്തിലാണ് പൊലീസ്. ഒപ്പം ഭീകരാക്രമണ മുന്നറിയിപ്പിനെ തുടര്‍ന്നൊരുക്കിയ സുരക്ഷ വലയത്തിലാണ് നഗരം.
