എച്എംഡി ഗ്ലോബലിന്റെ ഉടമസ്ഥതയിലുള്ള ഫിന്നിഷ് സ്മാർട്ട്ഫോൺ 2021ൽ ഇന്ത്യയില്‍ അവതരിപ്പിച്ച പുതിയ ലോ എന്‍ഡ് സ്മാര്‍ട്ട്‌ഫോണുകളാണ് നോക്കിയ 5.4, നോക്കിയ 3.4 എന്നിവ. ഇവ ആന്‍ഡ്രോയിഡ് 12 സോഫ്‌റ്റ്വെയര്‍ അപ്‌ഡേറ്റുകള്‍ക്ക് യോഗ്യമാകുന്നതാണ്. 4 ജിബി റാം + 64 ജിബി മെമ്മറി, 6 ജിബി റാം + 64 ജിബി മെമ്മറി എന്നിങ്ങനെ രണ്ട് പതിപ്പുകളിൽ വില്പനക്കെത്തിയിരിക്കുന്ന നോക്കിയ 5.4-ന് യഥാക്രമം 13,999 രൂപയും, 15,499 രൂപയുമാണ് വില. ഡസ്ക്, പോളാർ നൈറ്റ് നിറങ്ങളിൽ വില്പനക്കെത്തിയിരിക്കുന്ന നോക്കിയ 5.4-ന്റെ വില്പന ഈ മാസം 17 മുതൽ ഫ്ലിപ്കാർട്ട്, നോക്കിയ വെബ്‌സൈറ്റുകളുടെ ആരംഭിക്കും.
4 ജിബി റാമും 64 ജിബി മെമ്മറിയുള്ള ഒരൊറ്റ പതിപ്പിൽ വിപണിയിലെത്തിയിരിക്കുന്ന നോക്കിയ 3.4-ന് 11,999 രൂപയാണ് വില. ചാർക്കോൾ, ഡസ്ക്, ഫിജോഡ് എന്നിങ്ങനെ മൂന്ന് നിറങ്ങളിൽ നോക്കിയ 3.4 വാങ്ങാം. ഈ മാസം 20 മുതലാണ് നോക്കിയ 3.4-ന്റെ വില്പന ആരംഭിക്കുക. ആമസോൺ, ഫ്ലിപ്കാർട്ട്, നോക്കിയ വെബ്‌സൈറ്റുകളിലൂടെയും ഓഫ്‌ലൈൻ സ്റ്റോറുകളിലൂടെയും നോക്കിയ 3.4 വാങ്ങാം.
6.39 ഇഞ്ച് എച്ച്ഡി+ (720×1,560 പിക്‌സൽ) ഡിസ്‌പ്ലേയുമായി വിപണിയിലെത്തിയിരിക്കുന്ന നോക്കിയ 3.4-യ്ക്ക് ക്വാൽകോം സ്‌നാപ്ഡ്രാഗൺ 460 SoC പ്രോസസ്സർ ആണ്. സ്റ്റോക്ക് ആൻഡ്രോയിഡ് 10 ആണ് ഓപ്പറേറ്റിംഗ് സിസ്റ്റം എങ്കിലും ആൻഡ്രോയിഡ് 11 ലഭ്യമാവുന്ന മുറയ്ക്ക് അപ്‌ഡേറ്റ് ചെയ്യാൻ സാധിക്കും. 64 ജിബി ഓൺബോർഡ് സ്റ്റോറേജ് മൈക്രോ എസ്ഡി കാർഡ് വഴി 512 ജിബി വരെയായി വർദ്ധിപ്പിക്കാം.13 മെഗാപിക്സൽ പ്രൈമറി സെൻസർ, 5 മെഗാപിക്സൽ അൾട്രാ-വൈഡ് ആംഗിൾ ലെൻസ്, 2 മെഗാപിക്സൽ പ്രൈമറി സെൻസർ എന്നിവയടങ്ങുന്ന ട്രിപ്പിൾ ക്യാമറ സജ്ജീകരണമാണ് നോക്കിയ 3.4-ൽ. മുൻവശത്ത്, 8 മെഗാപിക്സൽ സെൽഫി ക്യാമെറയുമുണ്ട്. 4,000 എംഎഎച്ച് ബാറ്ററിയാണ് ഹാൻഡ് സെറ്റിന്. ഡ്യുവൽ സിം സപ്പോർട്ട്, യുഎസ്ബി ടൈപ്പ്-സി പോർട്ട്, സ്റ്റാൻഡേർഡ് 3.5 എംഎം ഹെഡ്‌ഫോൺ ജാക്ക്, ബ്ലൂടൂത്ത് 4.2 എന്നിവയാണ് നോക്കിയ 3.4-ന്റെ മറ്റ് സവിശേഷതകൾ.
19.5:9 ആസ്പെക്ട് റേഷ്യോയും 400 നിറ്റ് പീക്ക് ബ്രൈറ്റ്നെസ്സുമുള്ള 6.5 ഇഞ്ച് എച്ച്ഡി + (720×1,560 പിക്‌സൽ) ഡിസ്‌പ്ലേയാണ് നോക്കിയ 5.4 ഫോണിന്. ഒക്ടാ കോർ ക്വാൽകോം സ്‌നാപ്ഡ്രാഗൺ 662 SoC പ്രോസസ്സർ 4 ജിബി/6 ജിബി റാമുകളുമായി ചേർന്ന് പ്രവർത്തിക്കുന്നു. 64 ജിബി ഓൺബോർഡ് മെമ്മറി മൈക്രോ എസ്ഡി കാർഡ് വഴി 512 ജിബി വരെ ഉയർത്താം. 48 മെഗാപിക്സൽ പ്രൈമറി സെൻസർ, അൾട്രാ-വൈഡ് ആംഗിൾ ലെൻസുള്ള 5 മെഗാപിക്സൽ സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ എന്നിവ ഉൾപ്പെടുന്ന ക്വാഡ് റിയർ ക്യാമറ ക്ലസ്റ്റർ ആണ് നോക്കിയ 5.4-യ്ക്ക്. 16 മെഗാപിക്സൽ സെൻസർ സെൽഫി ക്യാമെറയായും ഉൾപെടുത്തിയിട്ടുണ്ട്.
10W ചാർജിംഗിനെ പിന്തുണയ്‌ക്കുന്ന 4,000 എംഎഎച്ച് ബാറ്ററിയാണ് നോക്കിയ 5.4-ന്. വൈ-ഫൈ, ബ്ലൂടൂത്ത് 4.2, ജിപിഎസ് / എ-ജിപിഎസ്, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ.
