എച്ച്.എം.ഡി. ഗ്ലോബലിന്റെ നോക്കിയ 2.2 സ്മാര്ട്ഫോണ് ഇന്ത്യന് വിപണിയില് അവതരിപ്പിച്ചു. കളര്ഫൂള് ഡിസൈനും ഗൂഗിള് അസിസ്റ്റന്റും അടങ്ങുന്ന ആന്ഡ്രോയിഡ് വണ് സ്മാര്ട്ഫോണ് ആണിത്.
രണ്ട് വേരിയന്റുകളിലാണ് ഫോണ് വിപണിയില് എത്തുന്നത്. രണ്ട് ജിബി റാം 16 ജിബി ഇന്റേണല് മെമ്മറി, 3 ജിബി റാം 32 ജിബി ഇന്റേണല് മെമ്മറി എന്നിവയാണ് രണ്ട് വേരിയന്റുകള്. യഥാക്രമം 6,999 രൂപയും, 7,999 രൂപയുമാണ് നിലവില് ഫോണിന്റെ വില. ജൂണ് 30 വരെ മാത്രമേ ഈ വിലയില് ഫോണ് ലഭ്യമാകൂ. അതിന് ശേഷം വില ഉയരും.
നോക്കിയയുടെ ഔദ്യോഗിക വെബ്സൈറ്റില് നിന്നും , ഫ്ളിപ്കാര്ട്ടില് നിന്നും രാജ്യത്തെല്ലായിടത്തുമുള്ള റീടെയില് സ്ഥാപനങ്ങളില് നിന്നും ഫോണ് ഉപയോക്താക്കള്ക്ക് വാങ്ങാം. ജൂണ് 11 മുതല് ഫോണിന്റെ വില്പന ആരംഭിക്കും.
5.7 ഇഞ്ചാണ് ഫോണിന്റെ ഡിസ്പ്ലേ. ഫോണിന് കരുത്ത് നല്കുന്നത് മീഡിയാ ടെക് ഹീലിയോ എ22 പ്രൊസസറാണ് . ഫോണിന്റെ പിന് ക്യാമറ 13 മെഗാപിക്സലും സെല്ഫി ക്യാമറ അഞ്ച് മെഗാപിക്സലുമാണ്.
3000 എംഎഎച്ച് ആണ് ഫോണിന്റെ ബാറ്ററി കപ്പാസിറ്റി . നോക്കിയ 2.2 വില് ഫെയ്സ് അണ്ലോക്ക് സംവിധാനവുമുണ്ട്. ആന്ഡ്രോയിഡ് വണ് ഓഎസില് പ്രവര്ത്തിക്കുന്ന ഫോണില് മൂന്ന് വര്ഷത്തോളം സോഫറ്റ് വെയര് സെക്യൂരിറ്റി അപ്ഡേറ്റുകള് ലഭ്യമാകും. ആന്ഡ്രോയിഡ് ക്യൂ പതിപ്പും ഫോണില് ലഭിക്കും.