മുംബൈ : മഹാരാഷ്ട്രയില്‍ ബി.ജെ.പി – എന്‍.സി.പി സര്‍ക്കാര്‍ അഞ്ചുവര്‍ഷം ഭരിക്കുമെന്ന ഉപമുഖ്യമന്ത്രി അജിത് പവാറിന്റെ അവകാശവാദം തള്ളി എന്‍.സി.പി അദ്ധ്യക്ഷന്‍ ശരത് പവാര്‍.
താൻ എൻസിപിയിൽ തന്നെയാണെന്നും, തന്‍റെ നേതാവ് ശരദ് പവാറാണെന്നും ബിജെപിയുമായി സഖ്യം ചേർന്ന് മഹാരാഷ്ട്രയിൽ സ്ഥിരതയുള്ള സർക്കാരുണ്ടാക്കുമെന്നുമുള്ള അജിത് പവാറിന്റെ പ്രതികരണം ആശയക്കുഴപ്പമുണ്ടാക്കാനാണെന്ന് ശരദ് പവാർ തിരിച്ചടിച്ചു. ബിജെപിയുമായി സഖ്യമുണ്ടാക്കുന്ന പ്രശ്നമില്ല. എംഎൽഎമാരെയും അണികളെയും തെറ്റിദ്ധരിപ്പിക്കാനാണ് അജിത് പവാർ ശ്രമിക്കുന്നതെന്നും എൻസിപി അധ്യക്ഷൻ ആരോപിച്ചു.
ബി.ജെ.പിയുമായി സഖ്യമുണ്ടാക്കുമോ എന്ന ചോദ്യംപോലും ഇവിടെ പ്രസക്തമല്ല. ശിവസേന, കോണ്‍ഗ്രസ് പാര്‍ട്ടികളുമായി ചേര്‍ന്ന് സര്‍ക്കാര്‍ രൂപീകരിക്കാന്‍ എന്‍.സി.പി ഒറ്റക്കെട്ടായാണു തീരുമാനിച്ചത്. അജിത് പവാറിന്റെ ഇപ്പോഴത്തെ പരാമര്‍ശങ്ങള്‍ തെറ്റിദ്ധാരണാജനകവുമാണ്. അത് ആശയക്കുഴപ്പമുണ്ടാക്കുകയും ജനങ്ങളില്‍ മോശം കാഴ്ചപ്പാട് സൃഷ്ടിക്കുകയും ചെയ്യും – പവാര്‍ ട്വീറ്റ് ചെയ്തു.
There is no question of forming an alliance with @BJP4Maharashtra.
NCP has unanimously decided to ally with @ShivSena & @INCMaharashtra to form the government. Shri Ajit Pawar’s statement is false and misleading in order to create confusion and false perception among the people.— Sharad Pawar (@PawarSpeaks) November 24, 2019
