നിവിന്‍ പോളിയും എബ്രിഡ് ഷൈനും ഒന്നിക്കുന്ന ‘ആക്ഷന്‍ ഹീറോ ബിജു’വിന്റെ റിലീസ് ഫെബ്രുവരി നാലിലേക്ക് മാറ്റി.നാളെയാണ് ചിത്രം റിലീസ് ചെയ്യാനിരുന്നത്.
നിവിന്‍ പോളിയുടെ ഇരുപത്തിയഞ്ചാമത്തെ ചിത്രമാണ് ‘ആക്ഷന്‍ ഹീറോ ബിജു’. ആദ്യമായി ഈ ചിത്രത്തിലൂടെ നിവിന്‍ പോളി പൊലീസ് ഓഫീസറായി അഭിനയിക്കുന്നു.
ബിജു പൗലോസ് എന്ന പൊലീസ് ഇന്‍സ്‌പെക്ടറുടെ കഥപറയുന്ന ഈ ചിത്രത്തില്‍ അനു ഇമ്മാനുവേലാണ് നായിക. ഇത് അതിമാനുഷികമായ പൊലീസ് ഓഫീസറുടെ കഥയല്ല, മറിച്ച് സാധാരണക്കാരനായ ഒരാളുടെ സാധാരണ ജീവിതയാത്രയുടെ കാഴ്ചകളാണ്.
ഫുള്‍ ഓണ്‍ സ്റ്റുഡിയോസിന്റെ ബാനറില്‍ നിവിന്‍ പോളിയും എബ്രിഡ് ഷൈനും ചേര്‍ന്നു നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം അലക്‌സ് ജെ. പുളിക്കല്‍ നിര്‍വഹിക്കുന്നു. സന്തോഷ് വര്‍മ്മ, ബി.കെ. ഹരിനാരായണന്‍ എന്നിവരുടെ വരികള്‍ക്ക് ജെറി അമല്‍ ദേവ് സംഗീതം പകരുന്നു. എല്‍.ജെ ഫിലിംസ് റിലീസ് ചിത്രം പ്രദര്‍ശനത്തിനെത്തിക്കുന്നു.
