ജാപ്പനീസ് വാഹന നിര്മ്മാതാക്കളായ നിസാന് 2025-26 ഓടെ ഇന്ത്യന് വിപണിയില് അഞ്ച് പുതിയ മോഡലുകള് അവതരിപ്പിക്കാന് പദ്ധതിയിടുന്നു. കമ്പനിക്ക് 2025-26 ല് രാജ്യത്ത് ഒരു പുതിയ ഇടത്തരം എസ്യുവിയും മൂന്നുവരി എസ്യുവിയും ഉണ്ടാകും. അതിനോട് അനുബന്ധിച്ച്, CMF-AEV പ്ലാറ്റ്ഫോമിനെ അടിസ്ഥാനമാക്കി ഒരു പുതിയ കോംപാക്റ്റ് ഇലക്ട്രിക് ഹാച്ച്ബാക്കും നിസ്സാന് ഒരുക്കുന്നതായി റിപ്പോര്ട്ടുകള് ഉണ്ട്. പുതിയ ഇടത്തരം എസ്യുവി അവതരിപ്പിക്കുന്നതിന് മുമ്പ്, നിസ്സാന് മാഗ്നൈറ്റ് ഫെയ്സ്ലിഫ്റ്റ്, എക്സ്-ട്രെയില് എന്നിവ 2024 ല് ഇന്ത്യന് വിപണിയില് അവതരിപ്പിക്കും.
അടുത്ത ഒരു വര്ഷത്തിനുള്ളില് എക്സ്-ട്രെയില് മൂന്നുവരി എസ്യുവി ഇന്ത്യന് വിപണിയില് വില്പ്പനയ്ക്കെത്തുമെന്ന് കമ്പനി സ്ഥിരീകരിച്ചു . ഇതിന് 4,680 എംഎം നീളവും 2,065 എംഎം വീതിയും 1,725 ??എംഎം ഉയരവും 2,705 എംഎം വീല്ബേസും ഉണ്ട്. നമ്മുടെ വിപണിയില് വില്പ്പനയ്ക്കെത്തുന്ന ജീപ്പ് കോമ്പസിനേക്കാളും ഫോക്സ്വാഗണ് ടിഗ്വാനേക്കാളും ഇത് അല്പ്പം വലുതാണ്. ഗ്ലോബല്-സ്പെക്ക് മോഡല് 5, 7 സീറ്റ് ലേഔട്ടില് വാഗ്ദാനം ചെയ്യുമ്പോള്, ഇന്ത്യ-സ്പെക്ക് മോഡല് 7 സീറ്റ് ഓപ്ഷനില് വരാനാണ് സാധ്യത.അതേസമയം നിസാന് എക്സ്-ട്രെയില് രണ്ട് എഞ്ചിന് ഓപ്ഷനുകളോടെ വരുമെന്ന് പ്രതീക്ഷിക്കുന്നു – 163പിഎസ്, 1.5 എല് ടര്ബോ പെട്രോള്, ശക്തമായ ഹൈബ്രിഡ് സാങ്കേതികവിദ്യയുള്ള 1.5 ലിറ്റര് ടര്ബോ പെട്രോള്. ഇ-പവര് ടെക് എന്ന് വിളിക്കപ്പെടുന്ന എക്സ്-ട്രെയിലിന്റെ ഹൈബ്രിഡ് പവര്ട്രെയിന് 2WD സജ്ജീകരണത്തില് 204PS, 300Nm ടോര്ക്കും 4WD സജ്ജീകരണത്തില് 213PS & 525Nm വരെ ടോര്ക്കും നല്കുന്നു.
മെക്സിക്കോ പോലുള്ള ലെഫ്റ്റ് ഹാന്ഡ് ഡ്രൈവ് വിപണികളിലേക്ക് പുതുക്കിയ മാഗ്നൈറ്റ് കയറ്റുമതി ചെയ്യാന് നിസ്സാന് പദ്ധതികള് ഉണ്ട്. പുതിയ മാഗ്നൈറ്റിനൊപ്പം, ജാപ്പനീസ് നിര്മ്മാതാവിന്റെ ഇന്ത്യന് വിഭാഗം ആഫ്രിക്ക, മിഡില് ഈസ്റ്റ്, ലാറ്റിന് അമേരിക്ക എന്നിവയുള്പ്പെടെ പുതിയ വിപണികളിലേക്കും കയറ്റുമതി ചെയ്യും. നിസാന് നിലവില് പ്രതിവര്ഷം 25000 മുതല് 30000 യൂണിറ്റ് വരെ മാഗ്നൈറ്റ് സബ്-4 മീറ്റര് എസ്യുവി വില്ക്കുന്നുണ്ട്. ചെറിയ എസ്യുവി ലെഫ്റ്റ് ഹാന്ഡ് ഡ്രൈവ് വിപണിയിലേക്ക് കയറ്റുമതി ചെയ്യുന്നതോടെ കോംപാക്റ്റ് എസ്യുവിയുടെ ഉല്പ്പാദന അളവ് പ്രതിവര്ഷം 40,000 മുതല് 50,000 യൂണിറ്റുകളായി ഉയര്ത്താനാകും.നിസാന് മാഗ്നൈറ്റ് ഫെയ്സ്ലിഫ്റ്റിന് സൂക്ഷ്മമായ ഡിസൈന് മാറ്റങ്ങള് ലഭിക്കും. ഇന്റീരിയര് ഗണ്യമായി പരിഷ്ക്കരിക്കുമെന്നും പ്രതീക്ഷിക്കുന്നു. 1.0L 3-സിലിണ്ടര് NA പെട്രോളും 1.0L 3-സിലിണ്ടര് ടര്ബോ പെട്രോളും ഉള്പ്പെടെ നിലവിലുള്ള പവര്ട്രെയിന് ഓപ്ഷനുകള് എസ്യുവിക്ക് ലഭിച്ചേക്കും. ഇതിന് ഒരു സിഎന്ജി പതിപ്പും ലഭിക്കും.
