വ്യത്യസ്തമായ കഥാപാത്രങ്ങളുമായി പ്രേക്ഷകര്ക്ക് മുന്നിലേക്കെത്തുന്ന താരമാണ് മഞ്ജു വാര്യര്. എന്നാല് കരിയറില് ഇന്നുവരെ മമ്മൂട്ടിക്കൊപ്പം അഭിനയിക്കാനുള്ള അവസരം താരത്തിന് ലഭിച്ചിരുന്നില്ല. നീണ്ട നാളത്തെ കാത്തിരിപ്പിനൊടുവിലായി നവാഗതനായ ജോഫിന് ടി ചാക്കോ ഒരുക്കുന്ന ചിത്രത്തിലൂടെ അങ്ങനെയൊരു അവസരം ലഭിച്ചിരിക്കുകയാണ്. ആ സന്തോഷം പങ്കുവെച്ചും മഞ്ജു വാര്യര് എത്തിയിരുന്നു. ത്രില്ലര് ചിത്രവുമായാണ് മമ്മൂട്ടിയും മഞ്ജു വാര്യരും എത്തുന്നത്.
പുതുവര്ഷത്തില് സിനിമയുടെ ഷൂട്ടിംഗ് ആരംഭിക്കുമെന്നുള്ള വിവരങ്ങളാണ് ഇപ്പോള് പുറത്തുവന്നിട്ടുളളത്. കൂടാതെ ചിത്രത്തില് പ്രധാന വേഷത്തില് നിഖില വിമലും എത്തുന്നുണ്ട്. ആന്റോ ജോസഫും ബി ഉണ്ണിക്കൃഷ്ണനും ചേര്ന്നാണ് ഈ സിനിമ നിര്മ്മിക്കുന്നത്.
പുതുവര്ഷത്തില് തന്നെ മമ്മൂട്ടിയും ചിത്രത്തില് അഭിനയിച്ച് തുടങ്ങും. ഷൈലോക്കാണ് മമ്മൂട്ടിയുടേതായി തിയേറ്ററുകളിലേക്കെത്തുന്ന അടുത്ത സിനിമ. കഴുത്തറുപ്പന് പലിശക്കാരനായാണ് മെഗാസ്റ്റാര് ഈ ചിത്രത്തില് പ്രത്യക്ഷപ്പെടുന്നത്. ജനുവരി അവസാന വാരത്തില് ഷൈലോക്ക് തിയേറ്ററുകളിലേക്ക് എത്തും.