മുംബൈ: ഓഹരി സൂചികകളില്‍ റെക്കോഡ് നേട്ടം തുടക്കം. സെന്‍സെക്‌സ് 70 പോയിന്റ് ഉയര്‍ന്ന് 37407ലും നിഫ്റ്റി 20 പോയിന്റ് നേട്ടത്തില്‍ 11298ലുമാണ് വ്യാപാരം നടക്കുന്നത്. ബിഎസ്ഇയിലെ 1012 കമ്പനികളുടെ ഓഹരികള്‍ നേട്ടത്തിലും 476 ഓഹരികള്‍ നഷ്ടത്തിലുമാണ്.
എസ്ബിഐ, ഒഎന്‍ജിസി, ഐസിഐസിഐ ബാങ്ക്, ഐഒസി, റിലയന്‍സ്, ടെക് മഹീന്ദ്ര, പവര്‍ ഗ്രിഡ് കോര്‍പ്, ടാറ്റ മോട്ടോഴ്‌സ്, ഹിന്ദുസ്ഥാന്‍ യുണിലിവര്‍, ഭാരതി എയര്‍ടെല്‍, ടിസിഎസ് തുടങ്ങിയ ഓഹരികള്‍ നേട്ടത്തിലെത്തിയപ്പോള്‍ കൊട്ടക് മഹീന്ദ്ര, എച്ച്ഡിഎഫ്‌സി ബാങ്ക്, ഇന്‍ഫോസിസ്, ഐടിസി, ബജാജ് ഓട്ടോ, എച്ച്ഡിഎഫ്‌സി, സിപ്ല, ഹീറോ മോട്ടോര്‍കോര്‍പ്, സണ്‍ ഫാര്‍മ, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നഷ്ടത്തിലുമാണ്.
ബാങ്കിങ് ഓഹരികളാണ് മികച്ച നേട്ടത്തിലെത്തിയത്. പൊതുമേഖല ബാങ്കുകള്‍ മികവുപുലര്‍ത്തിയിരുന്നു. മിഡ് ക്യാപ് സൂചിക ഒരുശതമാനത്തോളം നേട്ടമുണ്ടാക്കിയപ്പോള്‍ ബാങ്ക് നിഫ്റ്റി റെക്കോഡ് ഉയരത്തിലുമെത്തി.
