കാരക്കസ്: വെനസ്വേല നാഷനൽ അംസംബ്ലിയിലേക്കു നടന്ന തെരഞ്ഞെടുപ്പിൽ പ്രസിഡന്‍റ് നിക്കോളാസ് മഡുറോയുടെ സോഷ്യലിസ്റ്റ് പാർട്ടിക്കും സഖ്യകക്ഷികൾക്കും സമ്പൂർണ വിജയം. പ്രധാന പ്രതിപക്ഷ പാർട്ടികൾ തെരഞ്ഞെടുപ്പ് ബഹിഷ്കരിച്ചതോടെയാണു വിജയം.
പ്രതിപക്ഷ പാർട്ടികളുടെ നിയന്ത്രണത്തിലായിരുന്ന പാർലമെന്‍റാണ് മഡുറോ പിടിച്ചത്. തെരഞ്ഞെടുപ്പിൽ 31 ശതമാനം മാത്രമായിരുന്നു പോളിംഗ്. 80 ശതമാനം ബാലറ്റ് എണ്ണിത്തീർന്നപ്പോൾ 67.6 ശതമാനം വോട്ടുകളാണ് മഡുറോ സഖ്യത്തിനു ലഭിച്ചത്.
