തിരുവനന്തപുരം: സംസ്ഥാനത്ത് ഇന്ന് സ്വർണ്ണ വിലയിൽ മാറ്റമില്ലാതെ തുടരുന്നു. കഴിഞ്ഞ ദിവസത്തെ നിരക്കായ ഒരു പവന് 89,480 രൂപ എന്ന നിലയിലാണ് ഇന്ന് വ്യാപാരം നടക്കുന്നത്. ഒരു ഗ്രാം സ്വർണ്ണത്തിന്റെ വില 11,185 രൂപയാണ്. ഒരു സമയത്ത് ഒരു ലക്ഷം രൂപയിലേക്ക് എത്തുമെന്ന് പ്രതീക്ഷ നൽകിയ സ്വർണ്ണ വില, കുറച്ചു ദിവസങ്ങളായി 89,000-നും 90,000-നും ഇടയിലുള്ള ഒരു സുസ്ഥിരമായ നിലയിൽ തുടരുകയാണ്.
ആഗോള ഡിമാൻഡും വിലയിരുത്തലുകളും
സ്വർണ്ണത്തിന്റെ ആവശ്യം ആഗോളതലത്തിൽ റെക്കോർഡ് കണക്കുകളിലേക്ക് എത്തുകയാണ്. ഈ വർഷം മൂന്നാം പാദത്തിൽ ആഗോള സ്വർണ്ണത്തിന്റെ ആവശ്യം 1,313 ടണ്ണാണ്. 2025-ൽ ഇന്ത്യയുടെ സ്വർണ്ണ ഡിമാൻഡ് 600 മുതൽ 700 ടൺ വരെയാകുമെന്നാണ് വേൾഡ് ഗോൾഡ് കൗൺസിൽ പ്രതീക്ഷിക്കുന്നത്.
