വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളു​ടെ മു​ൻ​നി​ര​യിൽ ഇനി വ​കാ​ൻ ഗ്രാമവും

മ​സ്ക​ത്ത്: വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളു​ടെ മു​ൻ​നി​ര​യി​ലേ​ക്ക്​ ​കു​തി​ക്കാ​നൊ​രു​ങ്ങി തെ​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ വ​കാ​ൻ ഗ്രാമം. ഗ്രാമ​ത്തി​ന്റെ സൗ​ന്ദ​ര്യം ആ​സ്വ​ദി​ക്കാ​ൻ ക​ഴി​യു​ന്ന കേ​ബി​ൾ കാ​ർ പ്രൊ​ജ​ക്‌​ടും പു​തി​യ റോ​ഡ് പ​ദ്ധ​തി​ക​ളും ഗ​വ​ർ​ണ​ർ എ​ൻ​ജി​നീയ​ർ മ​സൂ​ദ് ബി​ൻ സ​ഈ​ദ് അ​ൽ ഹാ​ഷി​മി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗം അ​വ​ലോ​ക​നം ചെ​യ്തു. ന​ഖ​ൽ വി​ലാ​യ​ത്തി​ൽ സ്ഥി​തി ചെ​യ്യു​ന്ന ഈ ​ഗ്രാ​മ​ത്തി​​ന്റെ നി​ർ​ദി​ഷ്ട അ​ടി​സ്ഥാ​ന സൗ​ക​ര്യ പ​ദ്ധ​തി​ക​ളു​ടെ രൂ​പ​രേ​ഖ​യും നി​ർ​വ​ഹ​ണ​വും സം​ബ​ന്ധി​ച്ചും ച​ർ​ച്ച ന​ട​ന്നു.

ആ​ധു​നി​ക അ​ടി​സ്ഥാ​ന സൗ​ക​ര്യ​ങ്ങ​ളും പ്ര​കൃ​തി​ദ​ത്ത​വും സാം​സ്കാ​രി​ക​വു​മാ​യ പൈ​തൃ​ക സം​ര​ക്ഷ​ണ​വു​മാ​യി സം​യോ​ജി​പ്പി​ച്ച് വ​കാ​ൻ വി​ല്ലേ​ജി​നെ ഒ​രു പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യി വി​ക​സി​പ്പി​ക്കാ​നു​ള്ള വി​വി​ധ സ​ർ​ക്കാ​റു​ക​ളു​ടെ​യും പ്രാ​ദേ​ശി​ക സ്ഥാ​പ​ന​ങ്ങ​ളു​ടെ​യും പ്ര​തി​ബ​ദ്ധ​ത​യാ​ണ് ഈ ​നീ​ക്ക​ങ്ങ​ൾ തെ​ളി​യി​ക്കു​ന്ന​തെ​ന്ന് ഗ​വ​ർ​ണ​ർ പ​റ​ഞ്ഞു.

Also Read: ല​ബ​നനി​ലേക്ക് സഹായം തുടർന്ന് സൗ​ദി അ​റേ​ബ്യ

പു​തി​യ റൂ​ട്ടി​ന്‍റെ ലേ​ഔ​ട്ടും സ​വി​ശേ​ഷ​ത​ക​ളും ഉ​ൾ​പ്പെ​ടെ വി​ശ​ദ​മാ​യ പ​ദ്ധ​തി​ക​ൾ റോ​ഡ് നി​ർ​മാ​ണ​ത്തി​ന്‍റെ ഉ​ത്ത​ര​വാ​ദി​ത്ത​മു​ള്ള ക​മ്പ​നി അ​വ​ത​രി​പ്പി​ച്ചു. വ​കാ​നി​ലെ പ്ര​കൃ​തി​ദൃ​ശ്യ​ങ്ങ​ൾ പ​ര്യ​വേ​ക്ഷ​ണം ചെ​യ്യാ​ൻ സ​വി​ശേ​ഷ​വും സൗ​ക​ര്യ​പ്ര​ദ​വു​മാ​യ മാ​ർ​ഗം വാ​ഗ്ദാ​നം ചെ​യ്യു​ന്ന കേ​ബി​ൾ കാ​ർ പ​ദ്ധ​തി​യെ കു​റി​ച്ചും വി​ശ​ദീ​ക​രി​ച്ചു. ഈ ​ര​ണ്ട് സൗ​ക​ര്യ​ങ്ങ​ളും ഒ​രു​ക്കു​ന്ന​തി​ലൂ​ടെ ക​ണ​ക്ടി​വി​റ്റി​യും സ​ന്ദ​ർ​ശ​ക അ​നു​ഭ​വം മെ​ച്ച​പ്പെ​ടു​ത്താ​നു​മാ​ണ് അ​ധി​കൃ​ത​ർ ല​ക്ഷ്യ​മി​ടു​ന്ന​ത്.

തെ​ക്ക​ൻ ബാ​ത്തി​ന ഗ​വ​ർ​ണ​റേ​റ്റ്, ഭ​വ​ന, ന​ഗ​രാ​സൂ​ത്ര​ണ മ​ന്ത്രാ​ല​യം, കൃ​ഷി, മ​ത്സ്യ​ബ​ന്ധ​നം, ജ​ല​വി​ഭ​വ മ​ന്ത്രാ​ല​യം, പൈ​തൃ​ക, ടൂ​റി​സം മ​ന്ത്രാ​ല​യം, ന​ഖ​ൽ മു​നി​സി​പ്പ​ൽ കൗ​ൺ​സി​ൽ അം​ഗ​ങ്ങ​ൾ, പ​ദ്ധ​തി ന​ട​പ്പാ​ക്കു​ന്ന ക​മ്പ​നി എ​ന്നി​വി​ട​ങ്ങ​ളി​ൽ നി​ന്നു​ള്ള പ്ര​തി​നി​ധി​ക​ൾ യോ​ഗ​ത്തി​ൽ സം​ബ​ന്ധി​ച്ചു.