ഫോക്സ്വാഗണ് ഗോള്‍ഫ് ജിടിഐ 2025 മെയ് മാസത്തോടെ ഇന്ത്യന്‍ വിപണിയില്‍ അവതരിപ്പിക്കുമെന്ന് റിപ്പോര്‍ട്ട്. സിബിയു (കംപ്ലീറ്റ്‌ലി ബില്‍റ്റ് യൂണിറ്റ്) റൂട്ടിലൂടെ ഇത് എത്തും. ഔദ്യോഗിക ലോഞ്ചിന് മുന്നോടിയായി, അലോയ് വീല്‍ വലുപ്പവും വര്‍ണ്ണ ഓപ്ഷനുകളും ഉള്‍പ്പെടെയുള്ള പുതിയ വിശദാംശങ്ങള്‍ ഫോക്സ്വാഗണ് വെളിപ്പെടുത്തി.
ഗ്രനേഡില ബ്ലാക്ക് മെറ്റാലിക്, ഒറിക്‌സ് വൈറ്റ് പ്രീമിയം, മൂണ്‍സ്റ്റോണ്‍ ഗ്രേ, കിംഗ്‌സ് റെഡ് പ്രീമിയം മെറ്റാലിക് എന്നിങ്ങനെ നാല് എക്സ്റ്റീരിയര്‍ കളര്‍ ഓപ്ഷനുകളില്‍ പുതിയ ഗോള്‍ഫ് GTI ലഭ്യമാകും. ഗ്രനേഡില ബ്ലാക്ക് മെറ്റാലിക് ഒഴികെ, മൂന്ന് കളര്‍ ഓപ്ഷനുകളും ഡ്യുവല്‍-ടോണ്‍ ഷേഡില്‍ ലഭ്യമാണ്. 18 ഇഞ്ച് 5-സ്പോക്ക് ഡ്യുവല്‍-ടോണ്‍ അലോയ് വീലുകള്‍ ഇന്ത്യയില്‍ ഫോക്സ്വാഗണ് ഗോള്‍ഫ് GTI-യില്‍ വാഗ്ദാനം ചെയ്യുമെന്ന് കമ്പനി സ്ഥിരീകരിച്ചു. ചുവന്ന നിറങ്ങളിലുള്ള കോണ്‍ട്രാസ്റ്റിംഗ് ഉള്ള ഓള്‍-ബ്ലാക്ക് ഇന്റീരിയര്‍, സീറ്റുകള്‍ക്ക് ഡ്യുവല്‍-ടോണ്‍ കറുപ്പും വെള്ളിയും അപ്‌ഹോള്‍സ്റ്ററി എന്നിവ ഇതിലുണ്ടാകും.
ആഗോള വിപണികളില്‍ വില്‍പ്പനയ്ക്കുള്ള ഏറ്റവും ആക്രമണാത്മകമായ ഫോക്സ്വാഗണ് കാറുകളില്‍ ഒന്നാണിത്. ഇതിന് ഷാര്‍പ്പായ ഫ്രണ്ട് ഫാസിയയുണ്ട്, അതില്‍ ട്വിന്‍-പോഡ് എല്‍ഇഡി ഹെഡ്ലൈറ്റുകള്‍, താഴത്തെ ബമ്പറില്‍ നക്ഷത്രാകൃതിയില്‍ സ്ഥാപിച്ചിരിക്കുന്ന അഞ്ച് എല്‍ഇഡി ഫോഗ് ലൈറ്റുകള്‍, ചുവന്ന ഇന്‍സേര്‍ട്ടുകളുള്ള ഗ്രില്ലില്‍ ഒരു ജിടിഐ ബാഡ്ജ്, ഒരു വലിയ ഫ്രണ്ട് എയര്‍ ഇന്‍ടേക്കുകള്‍ എന്നിവ ഉള്‍പ്പെടുന്നു. സ്പോര്‍ട്ടി ഹാച്ച്ബാക്കിന് റാപ്പ്എറൗണ്ട് എല്‍ഇഡി ടെയില്‍ ലൈറ്റുകള്‍, ഫ്രണ്ട് ഫെന്‍ഡറുകളില്‍ ജിടിഐ ബാഡ്ജുകള്‍, ഇരട്ട എക്സ്ഹോസ്റ്റ് ഔട്ട്ലെറ്റുകള്‍, ടെയില്‍ഗേറ്റില്‍ ഒരു ചുവന്ന ജിടിഐ ബാഡ്ജ് എന്നിവയുണ്ട്.
Also Read: ചൈനയിലേക്ക് കയറ്റുമതി നിര്‍ത്തിവെച്ച് ഫോർഡ് കമ്പനി
ഗോള്‍ഫ് ഏഠകയില്‍ 12.9 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് യൂണിറ്റ്, ട്രിപ്പിള്‍-സോണ്‍ ക്ലൈമറ്റ് കണ്‍ട്രോള്‍, 10.25 ഇഞ്ച് ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, പനോരമിക് സണ്‍റൂഫ്, വയര്‍ലെസ് ഫോണ്‍ ചാര്‍ജര്‍, ആംബിയന്റ് ലൈറ്റിംഗ്, ആറ് എയര്‍ബാഗുകള്‍, ഠജങട, ഹെഡ്സ്-അപ്പ് ഡിസ്പ്ലേ അല്ലെങ്കില്‍ ഒഡഉ, എല്ലാ വീലുകള്‍ക്കും ഡിസ്‌ക് ബ്രേക്കുകള്‍, ഒരു ഇലക്ട്രോണിക് പാര്‍ക്കിംഗ് ബ്രേക്ക്, അഉഅട സ്യൂട്ട് എന്നിവ വാഗ്ദാനം ചെയ്യാന്‍ കഴിയും.
പുതിയ ഫോക്സ്വാഗണ് ഗോള്‍ഫ് GTI-യില്‍ 261bhp കരുത്തും 370Nm ടോര്‍ക്കും ഉത്പാദിപ്പിക്കുന്ന 2.0 ലിറ്റര്‍, 4-സിലിണ്ടര്‍, ടര്‍ബോ ചാര്‍ജ്ഡ് പെട്രോള്‍ എഞ്ചിനാണ് കരുത്ത് പകരുന്നത്. 7-സ്പീഡ് ഡ്യുവല്‍-ക്ലച്ച് ട്രാന്‍സ്മിഷന്‍ അല്ലെങ്കില്‍ DCT വഴിയാണ് പവര്‍ മുന്‍ ചക്രങ്ങളിലേക്ക് എത്തുന്നത്. ഈ ഹോട്ട് ഹാച്ച് വെറും 5.9 സെക്കന്‍ഡിനുള്ളില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത കൈവരിക്കുമെന്നും ഇലക്ട്രോണിക്കലായി പരിമിതപ്പെടുത്തിയിരിക്കുന്ന 250 കിലോമീറ്റര്‍ വേഗത കൈവരിക്കുമെന്നും അവകാശപ്പെടുന്നു. കര്‍ശനമായ സസ്‌പെന്‍ഷന്‍ സജ്ജീകരണത്തോടെയാണ് ഈ കാര്‍ വരുന്നത് എന്നാണ് റിപ്പോര്‍ട്ടുകള്‍.
