ഗതാഗത നിയമ ലംഘനം; കര്‍ശന നടപടിയുമായി പൊലീസും മോട്ടോര്‍ വാഹന വകുപ്പും

അമിത വേഗം, മദ്യപിച്ചുള്ള ഡ്രൈവിങ് എന്നിവക്കെതിരെ കര്‍ശന നടപടി സ്വീകരിക്കും

ഗതാഗത നിയമ ലംഘനം; കര്‍ശന നടപടിയുമായി പൊലീസും മോട്ടോര്‍ വാഹന വകുപ്പും
ഗതാഗത നിയമ ലംഘനം; കര്‍ശന നടപടിയുമായി പൊലീസും മോട്ടോര്‍ വാഹന വകുപ്പും

തിരുവനന്തപുരം: ഗതാഗത നിയമ ലംഘനങ്ങള്‍ക്കെതിരെ കര്‍ശന നടപടിക്ക് ഒരുങ്ങി പൊലീസും മോട്ടോര്‍ വാഹന വകുപ്പും. അപകട മേഖലയിൽ പൊലീസും എം.വി.ഡിയും ചേർന്ന് പ്രത്യേക പരിശോധന നടത്താനാണ് തീരുമാനം. അമിത വേഗം, മദ്യപിച്ചുള്ള ഡ്രൈവിങ് എന്നിവക്കെതിരെ കര്‍ശന നടപടി സ്വീകരിക്കും.

ക്രമസമാധാന ചുമതലയുള്ള എ.ഡി.ജി.പി വിളിച്ച യോഗത്തിലാണ് തീരുമാനം. സംസ്ഥാത്ത് അടുത്തിടെ വാഹന അപകടങ്ങള്‍ വര്‍ധിക്കുന്ന സാഹചര്യത്തിലാണ് പൊലീസും മോട്ടോര്‍ വാഹന വകുപ്പും ഗതാഗത നിയമ ലംഘനങ്ങള്‍ക്കെതിരെ കര്‍ശന നടപടിക്ക് ഒരുങ്ങുന്നത്.

Also Read: ഗവർണറുടെ പരിപാടി; സ്കൂളിൽ കറുത്ത വസ്ത്രത്തിന് വിലക്ക്

രാത്രിക്കാലങ്ങളിലുള്ള സംയുക്ത പരിശോധന ഇന്ന് മുതൽ ആരംഭിക്കും. കാൽനട യാത്രക്കാരുടെ സുരക്ഷക്ക് മുഖ്യ പരിഗണന നല്‍കുമെന്ന് പൊലീസും മോട്ടോര്‍ വാഹന വകുപ്പും അറിയിച്ചു. അപകട സ്പോട്ടുകളിൽ പ്രത്യേക നിരീക്ഷണവും പരിശോധനയും നടത്തും. അതേസമയം, എ.ഐ കാമകൾ സ്ഥാപിക്കാത്ത റോഡുകളിൽ കാമറ സ്ഥാപിക്കാനുള്ള റിപ്പോർട്ട് സമർപ്പിക്കാൻ ഐ.ജി ട്രാഫിക്കിന് നിർദേശം നൽകുകയും ചെയ്തു.

Share Email
Top