വിനോദ യാത്ര ബസിലെ ജനറേറ്റർ പൊട്ടിത്തെറിച്ച് അപകടം: 13 പേർക്ക് പരിക്ക്

13 കുട്ടികൾക്ക് ഗുരുതര പരിക്കേറ്റതായി റിപ്പോർട്ട്

വിനോദ യാത്ര ബസിലെ ജനറേറ്റർ പൊട്ടിത്തെറിച്ച് അപകടം: 13 പേർക്ക് പരിക്ക്
വിനോദ യാത്ര ബസിലെ ജനറേറ്റർ പൊട്ടിത്തെറിച്ച് അപകടം: 13 പേർക്ക് പരിക്ക്

അഗർത്തല: സ്കൂളിൽ നിന്ന് വിനോദ യാത്ര പോയ സംഘം സഞ്ചരിച്ചിരുന്ന ബസിന് തീപിടിച്ചു. 13 കുട്ടികൾക്ക് ഗുരുതര പരിക്കേറ്റതായി റിപ്പോർട്ട്. ത്രിപുരയിലെ പടിഞ്ഞാറൻ മേഖലയായ മോഹൻപൂരിൽ ഞായറാഴ്ച രാത്രിയാണ് അപകടമുണ്ടായത്. ഒൻപത് വിദ്യാർത്ഥികളെ ഗുരുതര പരിക്കോടെ അഗർത്തലയിലെ ജിബിപി ആശുപത്രിയിൽ പ്രവേശിപ്പിച്ചു. ബസിന് അകത്ത് വച്ചിരുന്ന ജനറേറ്റർ പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക വിവരം.

സംഭവത്തിൽ അന്വേഷണം പുരോഗമിക്കുകയാണെന്ന് വെസ്റ്റ് ത്രിപുര എസ് പി കിരൺ കുമാർ പറഞ്ഞു. സംഭവത്തിൽ ആശങ്ക പ്രകടിപ്പിച്ച മുഖ്യമന്ത്രി മണിക് സാഹ പരിക്കേറ്റ വിദ്യാർത്ഥികൾക്ക് സർക്കാർ വൈദ്യ സഹായം ഉറപ്പാക്കുമെന്ന് വ്യക്തമാക്കിയിട്ടുണ്ട്. വിനോദയാത്രകൾ പോകുന്നവർ കൂടുതൽ ജാഗ്രത പുലർത്തണമെന്നും ത്രിപുര മുഖ്യമന്ത്രി പറഞ്ഞു. അഗർത്തല ഖൊവായി റോഡിലാണ് അപകടമുണ്ടായത്. അഗ്നിപടർന്ന ബസ് പൂർണമായും കത്തിനശിച്ചു.

Share Email
Top