പാലക്കാട്: മോട്ടോർ വാഹന വകുപ്പ് ചെക് പോസ്റ്റുകളിൽ വിജിലൻസിന്റെ മിന്നൽ പരിശോധനയിൽ 1,49,490 രൂപ പിടിച്ചെടുത്തു. പാലക്കാട് ജില്ലയിൽ വെള്ളിയാഴ്ച രാത്രി പതിനൊന്ന് മണി മുതൽ ശനിയാഴ്ച പുലർച്ചെ മൂന്ന് മണി വരെയായിരുന്നു എറണാകുളം വിജിലൻസ് റേഞ്ച് എസ്.പിയുടെയും പാലക്കാട് വിജിലൻസ് ഡിവൈഎസ്പിയുടെ നേതൃത്തിൽ പരിശോധന നടത്തിയത്. വേഷം മാറി ചെക് പോസ്റ്റുകളിൽ എത്തിയ വിജിലൻസ് ഉദ്യോഗസ്ഥരുടെ അരികിലേക്ക് വിവിധ വാഹനങ്ങളിൽ വരുന്ന ഡ്രൈവർമാർ വന്ന് പണം നൽകി പോയി. വാളയാർ ചെക്പോസ്റ്റിൽ നിന്ന് അനധികൃതമായി സൂക്ഷിച്ച 90,650 രൂപ പിടിച്ചെടുത്തു. ഗോവിന്ദപുരത്തു നിന്ന് 10,140 രൂപയും ഗോപാലപുരത്ത് നിന്ന് 15,650 രൂപയും കണ്ടെടുത്തു. വാളയാർ ഔട്ട് ചെക്പോസ്റ്റിൽ നിന്നും 29,000 രൂപ,മീനാക്ഷിപുരം ചെക്പോസ്റ്റിൽ നിന്നും കിട്ടി 4050 രൂപയും കണ്ടെടുത്തു. ഇതേതുടർന്ന് നടപടികൾ സ്വീകരിച്ചുവരികയാണെന്ന് വിജിലൻസ് അറിയിച്ചു.
വേഷം മാറി വിജിലൻസ്; 4 മണിക്കൂറിൽ പിടിച്ചത് ഒന്നര ലക്ഷത്തോളം രൂപ
വാളയാർ ചെക്പോസ്റ്റിൽ നിന്ന് അനധികൃതമായി സൂക്ഷിച്ച 90,650 രൂപ പിടിച്ചെടുത്തു

