വോഡഫോൺ ഐഡിയ പ്രീപെയ്ഡ് ഉപഭോക്താക്കൾക്കായി സ്പോട്ടിഫൈ പ്രീമിയം സബ്സ്ക്രിപ്ഷൻ സൗജന്യമായി നൽകുന്ന മൂന്ന് പുതിയ പ്ലാനുകൾ അവതരിപ്പിച്ചു. യുവാക്കളെയും ഡിജിറ്റൽ ഉപഭോക്താക്കളെയും ലക്ഷ്യമിട്ട് പുറത്തിറക്കിയ ഈ പ്ലാനുകളിലൂടെ പരസ്യങ്ങളില്ലാത്ത സംഗീതവും, ഓഫ്ലൈൻ ഡൗൺലോഡുകളും, മികച്ച ഓഡിയോ നിലവാരവും ലഭിക്കും. ഒറ്റ റീചാർജിൽ തന്നെ അതിവേഗ ഡാറ്റയും വിനോദവും സംഗീതവും നൽകുന്ന തരത്തിലാണ് പ്ലാനുകൾ ക്രമീകരിച്ചിരിക്കുന്നത്.
28 ദിവസത്തെ കാലാവധിയുള്ള 435 രൂപയുടെ പ്ലാനിൽ സ്പോട്ടിഫൈ പ്രീമിയത്തിനൊപ്പം അൺലിമിറ്റഡ് ഡാറ്റ, അൺലിമിറ്റഡ് കോളുകൾ, ദിനംപ്രതി 100 എസ്.എം.എസ്, ജിയോഹോട്ട്സ്റ്റാർ എന്നിവ ലഭിക്കും. കൂടാതെ, 250 രൂപയുടെ പ്ലാനിൽ 2 ജിബി ഡാറ്റ, അൺലിമിറ്റഡ് കോളുകൾ, 300 എസ്.എം.എസ് എന്നിവയ്ക്കൊപ്പം സ്പോട്ടിഫൈ പ്രീമിയവും അടങ്ങിയിരിക്കുന്നു. 230 രൂപയുടെ ആഡ്-ഓൺ പ്ലാനിൽ 30 ജിബി ഡാറ്റയോടൊപ്പം സ്പോട്ടിഫൈ, ജിയോഹോട്ട്സ്റ്റാർ, സീ5, സോണീലിവ് തുടങ്ങി 20-ലധികം ഒ.ടി.ടി പ്ലാറ്റ്ഫോമുകളുടെ സബ്സ്ക്രിപ്ഷനും ഉൾപ്പെടുന്നു.
Also Read: മണ്ണില്ലാക്കോട്ടയിൽ പൊന്നുവിളയിച്ച് ശാസ്ത്രലോകം! ബഹിരാകാശ കൃഷി ഇനി റിയൽ
ഈ പ്ലാനുകൾ റീചാർജ് ചെയ്ത ശേഷം വി ആപ്പിലെ ‘ക്ലെയിം ബെനഫിറ്റ്സ്’ പേജ് സന്ദർശിച്ച് ഉപഭോക്താക്കൾക്ക് സ്പോട്ടിഫൈ സബ്സ്ക്രിപ്ഷൻ ആക്റ്റീവ് ചെയ്യാവുന്നതാണ്. നിലവിലുള്ള സ്പോട്ടിഫൈ അക്കൗണ്ട് വഴിയോ പുതിയ അക്കൗണ്ട് എടുത്തോ ഈ സേവനം ഉപയോഗിക്കാം. പ്ലാനുകളുടെ വാലിഡിറ്റി അവസാനിക്കുന്നതിനനുസരിച്ച് വീണ്ടും റീചാർജ് ചെയ്ത് തടസ്സമില്ലാതെ സേവനം തുടരാമെന്ന് കമ്പനി വ്യക്തമാക്കി.
