യൂണിയൻ പബ്ലിക് സർവീസ് കമ്മീഷൻ (യുപിഎസ്സി) 2026 ലെ എഞ്ചിനീയറിംഗ് സർവീസസ് പരീക്ഷ (ഇഎസ്ഇ) 474 ഒഴിവുകളിലേക്കുള്ള നിയമനത്തിനായുള്ള പ്രാഥമിക പരീക്ഷാ ഷെഡ്യൂൾ പ്രഖ്യാപിച്ചു. പരീക്ഷ എഴുതാൻ ഉദ്ദേശിക്കുന്ന ഉദ്യോഗാർത്ഥികൾക്ക് upsc.gov.in എന്ന ഔദ്യോഗിക വെബ്സൈറ്റിൽ പൂർണ്ണ ഷെഡ്യൂൾ പരിശോധിക്കാം.
രാവിലെ 9:30 മുതൽ 11:30 വരെ ജനറൽ സ്റ്റഡീസ് ആൻഡ് എഞ്ചിനീയറിംഗ് ആപ്റ്റിറ്റ്യൂഡ് പേപ്പർ (പേപ്പർ-I) ഉച്ചയ്ക്ക് 2 മുതൽ വൈകുന്നേരം 5 വരെ സിവിൽ, മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, ടെലികോം എഞ്ചിനീയറിംഗ് (വിഷയം സംബന്ധിച്ച പേപ്പർ) എന്നിങ്ങനെ നടക്കും രണ്ട് പേപ്പറുകളിലും ഒബ്ജക്ടീവ് ടൈപ്പ് ചോദ്യങ്ങളുണ്ടാകും. പേപ്പർ I രണ്ട് മണിക്കൂർ ദൈർഘ്യമുള്ളതും 200 മാർക്കുള്ളതും ആയിരിക്കും. പേപ്പർ II മൂന്ന് മണിക്കൂർ ദൈർഘ്യമുള്ളതും 300 മാർക്കുള്ളതുമാണ്. പരീക്ഷ ആരംഭിക്കുന്നതിന് കുറഞ്ഞത് 30 മിനിറ്റ് മുമ്പെങ്കിലും ഉദ്യോഗാർത്ഥികൾ എത്തിച്ചേരണമെന്ന് നിർദ്ദേശിക്കുന്നു. പരീക്ഷാ നഗര അറിയിപ്പ് സ്ലിപ്പുകളും അഡ്മിറ്റ് കാർഡുകളും ജനുവരിയിൽ പുറത്തിറങ്ങുമെന്ന് പ്രതീക്ഷിക്കുന്നു.
