എബ്രഹാം മാത്യുവിന്റെ അബാം മൂവീസ് മലയാള സിനിമയിലെ സജീവമായ നിര്മ്മാണ കമ്പനികളില് ഒന്നാണ്. നടി ഷീലു എബ്രഹാമിന്റെ ഭര്ത്താവാണ് അദ്ദേഹം. ഇപ്പോഴിതാ തങ്ങള് ചെയ്ത സിനിമകളില് വലിയ നഷ്ടം വരുത്തിയ രണ്ട് ചിത്രങ്ങളെക്കുറിച്ച് പറയുകയാണ് ഷീലു എബ്രഹാം. അബാം മൂവീസ് നിര്മ്മിച്ച അവസാനത്തെ രണ്ട് ചിത്രങ്ങള് 12.50 കോടി രൂപയുടെ നഷ്ടമാണ് കമ്പനിക്ക് വരുത്തിയതെന്ന് അവര് പറയുന്നു. സിനിമകളുടെ പേര് പരാമര്ശിക്കാതെയാണ് ഷീലു എബ്രഹാം ഇക്കാര്യം പറയുന്നത്. ‘രവീന്ദ്രാ നീ എവിടെ’, ‘മച്ചാന്റെ മാലാഖ’ എന്നീ ചിത്രങ്ങൾ ആണ് ആ രണ്ട് പടങ്ങൾ. ലൈഫ് നെറ്റ് ടിവിക്ക് നൽകിയ അഭിമുഖത്തിലാണ് ഭർത്താവും നിർമ്മാതാവുമായ എബ്രഹാം മാത്യുവിനൊപ്പമുള്ള സിനിമാ നിർമ്മാണത്തിലെ വെല്ലുവിളികളെക്കുറിച്ച് താരം തുറന്നുപറഞ്ഞത്.
15 വർഷത്തിനിടെ 15 സിനിമകൾ നിർമ്മിച്ചതിൽ 13 എണ്ണവും ലാഭകരമായിരുന്നുവെങ്കിലും, അവസാന രണ്ട് ചിത്രങ്ങൾ ബിസിനസ് പോലും നടക്കാത്ത അവസ്ഥയിലായിരുന്നുവെന്ന് ഷീലു പറഞ്ഞു. സിനിമയിൽ നിന്ന് പണമുണ്ടാക്കുക എന്നത് അപൂർവ്വം ചിലർക്ക് മാത്രം സാധ്യമാകുന്ന കാര്യമാണെന്നും, 500ൽ 10 പേർക്ക് മാത്രമേ അത് സാധിച്ചിട്ടുണ്ടാകൂ എന്നും അവർ അഭിപ്രായപ്പെട്ടു. എങ്കിലും ഈ സാമ്പത്തിക നഷ്ടം തങ്ങളുടെ കുടുംബത്തിന്റെയോ പ്രധാന ബിസിനസ്സുകളുടെയോ സുസ്ഥിതിയെ ബാധിച്ചിട്ടില്ലെന്ന് ഷീലു വ്യക്തമാക്കി.
ALSO READ : ജി-7 രാജ്യങ്ങളുടെ സമ്പത്ത് കണ്ട് കണ്ണുതള്ളരുത്..! ഇന്ത്യയുടെ സ്ഥാനം എന്താണ്?
ഇതിനൊപ്പം കോവിഡ് കാലത്തെ ബിസിനസ് പ്രതിസന്ധികളെക്കുറിച്ചും താരം ഓർത്തെടുത്തു. മുംബൈയിലെ ബിസിനസുകൾ അടച്ചുപൂട്ടുകയും, കേരളത്തിലെ ഹോട്ടലുകൾ ഉൾപ്പെടെ പ്രതിസന്ധിയിലാവുകയും ചെയ്ത സമയത്ത് വലിയ സാമ്പത്തിക ബാധ്യതയാണ് ഉണ്ടായത്. അക്കാലത്ത് 450-ഓളം ജീവനക്കാർക്ക് മുടങ്ങാതെ ശമ്പളം നൽകാൻ സാധിച്ചത് എബ്രഹാം മാത്യു നേരത്തെ കെട്ടിപ്പടുത്ത സാമ്പത്തിക അടിത്തറയും ഫിക്സഡ് ഡെപ്പോസിറ്റുകളും ഉള്ളതുകൊണ്ടാണ്.
സിനിമയിലെ സാമ്പത്തിക നഷ്ടങ്ങൾ അപ്പുറം ബിസിനസ് അടിത്തറ ഭദ്രമായി സൂക്ഷിക്കുന്നതാണ് തങ്ങളുടെ വിജയമെന്ന് ഷീലു എബ്രഹാം അടിവരയിട്ടു പറയുന്നു. സിനിമയിലെ ഈ തിരിച്ചടി എബ്രഹാം മാത്യുവിനെ വിഷമിപ്പിച്ചിട്ടുണ്ടെങ്കിലും, ബിസിനസ്സിലെ സുരക്ഷിതത്വം മൂലം തങ്ങൾക്ക് പിടിച്ചുനിൽക്കാൻ സാധിച്ചു. സിനിമാ ലോകത്തെ വലിയ നഷ്ടങ്ങൾക്കിടയിലും തളരാതെ മുന്നോട്ടുപോകുന്ന ഇവരുടെ ഈ ബിസിനസ് തന്ത്രം നിർമ്മാണ രംഗത്തെ അനിശ്ചിതത്വങ്ങൾക്കിടയിലും വേറിട്ടുനിൽക്കുന്നതാണ്.
