ആലപ്പുഴ: കുടുംബ വഴക്കിനെ തുടര്‍ന്ന് ഭാര്യാ പിതാവും സഹോദരനും ചേര്‍ന്ന് യുവാവിനെ വെട്ടിക്കൊന്നു. അരൂക്കുറ്റി പഞ്ചായത്ത് വടുതലജെട്ടി ചക്കാല നികര്‍ത്തില്‍ താമസിക്കുന്ന റിയാസ് (36) ആണ് കൊല്ലപ്പെട്ടത്. ചൊവ്വാഴ്ച്ച രാത്രിയായിരുന്നു സംഭവം.
ഭാര്യയായ റെനീഷയെ റിയാസ് മര്‍ദ്ദിച്ചത് ചോദ്യം ചെയ്തുണ്ടായ തര്‍ക്കമാണ് കൊലപാതകത്തില്‍ കലാശിച്ചത്. റിയാസിന്റെ സുഹൃത്ത് നിപുവിന്റെ വീട്ടിൽ വെച്ചാണ് തർക്കം ഉണ്ടായത്. റിയാസിന്റെ മൃതദേഹം ഇവിടെനിന്നുമാണ് കണ്ടെത്തിയതും. സംഭവത്തില്‍ ഭാര്യാ പിതാവ് നാസര്‍, നാസറിന്റെ മകന്‍ റെനീഷ് എന്നിവരെ പൂച്ചാക്കല്‍ പൊലീസ് കസ്റ്റഡിയിലെടുത്തു.
