ഇടുക്കി ജില്ലയിൽ മഞ്ഞപ്പിത്ത വ്യാപനം രൂക്ഷമാകുന്നു

ചെ​റു​തോ​ണി: ഇടുക്കി ജില്ലയിൽ മഞ്ഞപിത്തം വർധിക്കുന്നതായി റിപ്പോർട്ട്. ജില്ലയിലെ മ​രി​യാ​പു​രം പ​ഞ്ചാ​യ​ത്തി​ലും വാ​ഴ​ത്തോ​പ്പ് പ​ഞ്ചാ​യ​ത്തി​ലും മ​ഞ്ഞ​പ്പി​ത്തം രൂക്ഷമായി തുടരുകയാണ്. ഒ​രു​മാ​സ​ത്തി​നു​ള്ളി​ൽ മൂ​ന്നു​പേരാണ് മ​രി​യാ​പു​രം പ​ഞ്ചാ​യ​ത്തി​ൽ മാ​ത്രം മഞ്ഞപ്പിത്തം മൂലം മരിച്ചത്. നി​ല​വി​ൽ പ​ല വീ​ടു​ക​ളി​ലും ഒ​ന്നി​ല​ധി​കം പേ​ർ​ക്ക് മ​ഞ്ഞ​പ്പി​ത്തം സ്ഥിരീകരിച്ചിട്ടുണ്ട്.

പ​ക​ർ​ച്ച​വ്യാ​ധി​ക​ൾ പ​ട​ർ​ന്നു പി​ടി​ക്കു​മ്പോ​ൾ ആ​രോ​ഗ്യ​വ​കു​പ്പ് നി​ഷ്​​ക്രി​യ​മാ​യി നി​ല​കൊ​ള്ളു​ന്ന​താ​യി പ്രദേശവാസികൾ ആരോപിക്കുന്നുണ്ട്. മ​ഞ്ഞ​പ്പി​ത്തം വ്യാ​പി​ക്കു​ന്ന​തി​ൻറെ ഉ​റ​വി​ടം ക​ണ്ടെ​ത്താ​ൻ ഇ​നി​യു​മാ​യി​ട്ടി​ല്ല. ഒ​രു ​മാ​സ​ത്തി​നു​ള്ളി​ൽ മൂ​ന്നു​പേ​ർ മരണപ്പെട്ടിട്ടും അ​ധി​കൃ​ത​ർ മു​ൻ​ക​രു​ത​ൽ സ്വീ​ക​രി​ക്കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.

Also Read: പാലക്കാട് ബിജെപി-കോൺഗ്രസ് അവിശുദ്ധ കൂട്ടുകെട്ട്: ഇ എൻ സുരേഷ് ബാബു

ത​ടി​യം​പാ​ട് കേ​ന്ദ്രീ​ക​രി​ച്ച് പ​ല ഓ​ട്ടോ- ടാ​ക്സി തൊ​ഴി​ലാ​ളി​ക​ളും രോ​ഗ​ഭീ​ഷ​ണി​യി​ലാ​ണ്. ഒ​ന്ന​ര​മാ​സം മു​മ്പ്​ ഇ​ടു​ക്കി​യി​ലെ പൊ​തു​പ്ര​വ​ർ​ത്ത​ക​ൻറെ ഭാ​ര്യ മ​ഞ്ഞ​പ്പി​ത്തം ബാ​ധി​ച്ച് മ​ര​ണ​മ​ട​ഞ്ഞി​രു​ന്നു. മ​രി​യാ​പു​രം ആ​രോ​ഗ്യ കേ​ന്ദ്ര​ത്തി​ലും മെ​ഡി​ക്ക​ൽ കോ​ള​ജി​ലും ചി​കി​ത്സ തേ​ടി​യെ​ങ്കി​ലും ര​ക്ഷി​ക്കാ​നാ​യി​ല്ല. ക​ഴി​ഞ്ഞ​യാ​ഴ്ച വി​മ​ല​ഗി​രി സ്വ​ദേ​ശി​യാ​യ ഓ​ട്ടോ ഡ്രൈ​വ​ർ മ​ഞ്ഞ​പ്പി​ത്തം ബാ​ധി​ച്ച്​ മ​ര​ണ​മ​ട​ഞ്ഞു. നാ​ലു​ദി​വ​സം മു​മ്പാ​ണ്​​ ഉ​പ്പു​തോ​ട് സ്വ​ദേ​ശി​നി​യാ​യ വീ​ട്ട​മ്മ​യും മ​ഞ്ഞ​പ്പി​ത്തം ബാ​ധി​ച്ച്​ മ​രി​ച്ച​ത്.

പ​തി​നാ​റാം​ക​ണ്ടം സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ നാ​ല് ദി​വ​സ​ത്തോ​ളം ചി​കി​ത്സ തേ​ടി​യി​രു​ന്ന ഇ​വ​ർ രോ​ഗം കു​റ​യാ​തെ വ​ന്ന​തോ​ടെ ക​രി​മ്പ​നി​ലെ സ്വ​കാ​ര്യ ആ​ശു​പ​ത്രി​യെ​യും ആ​ശ്ര​യി​ച്ചി​രു​ന്നു. ഇ​ടു​ക്കി മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ര​ണ്ടു​മ​ണി​ക്കൂ​റി​ന് ശേ​ഷം വീ​ട്ട​മ്മ മ​രി​ച്ചു.