വിഷ്ണു വിജയ് സംഗീതം; ‘പ്രാവിന്‍കൂട് ഷാപ്പി’ലെ ഗാനമെത്തി

വിനായക് ശശികുമാര്‍ എഴുതിയ വരികള്‍ക്ക് വിഷ്ണു വിജയ് സംഗീതം പകര്‍ന്ന് അപര്‍ണ്ണ ഹരികുമാര്‍, പത്മജ ശശികുമാര്‍, ഇന്ദു സനാഥ്, വിഷ്ണു വിജയ് എന്നിവര്‍ ആലപിച്ച ചെത്ത് സോംഗ് ആണ് റിലീസായത്

വിഷ്ണു വിജയ് സംഗീതം; ‘പ്രാവിന്‍കൂട് ഷാപ്പി’ലെ ഗാനമെത്തി
വിഷ്ണു വിജയ് സംഗീതം; ‘പ്രാവിന്‍കൂട് ഷാപ്പി’ലെ ഗാനമെത്തി

ബേസില്‍ ജോസഫ്, സൗബിന്‍ ഷാഹിര്‍ എന്നിവര്‍ പ്രധാന വേഷത്തില്‍ എത്തുന്ന ചിത്രമാണ് ‘പ്രാവിന്‍കൂട് ഷാപ്പ്’. നവാഗതനായ ശ്രീരാജ് ശ്രീനിവാസനാണ് ചിത്രം സംവിധാനം ചെയ്യുന്നത്. ചിത്രത്തിലെ ആദ്യത്തെ ലിറിക്കല്‍ വീഡിയോ ഗാനം റിലീസായി. വിനായക് ശശികുമാര്‍ എഴുതിയ വരികള്‍ക്ക് വിഷ്ണു വിജയ് സംഗീതം പകര്‍ന്ന് അപര്‍ണ്ണ ഹരികുമാര്‍, പത്മജ ശശികുമാര്‍, ഇന്ദു സനാഥ്, വിഷ്ണു വിജയ് എന്നിവര്‍ ആലപിച്ച ചെത്ത് സോംഗ് ആണ് റിലീസായത്.

ജനുവരി പതിനാറിന് പ്രദര്‍ശനത്തിനെത്തുന്ന ഈ ചിത്രത്തില്‍ ചെമ്പന്‍ വിനോദും പ്രധാന വേഷത്തില്‍ എത്തുന്നുണ്ട്. ചാന്ദ്നീ ശ്രീധരന്‍, ശിവജിത് പത്മനാഭന്‍, ശബരീഷ് വര്‍മ്മ, നിയാസ് ബക്കര്‍, രേവതി, വിജോ അമരാവതി, രാംകുമാര്‍, സന്ദീപ്, പ്രതാപന്‍ കെ.എസ് തുടങ്ങിയവര്‍ ചിത്രത്തില്‍ മറ്റു കഥാപാത്രങ്ങളെ അവതരിപ്പിക്കുന്നു. അന്‍വര്‍ റഷീദ് എന്റര്‍ടൈന്‍മെന്റിന്റെ ബാനറില്‍ അന്‍വര്‍ റഷീദ് നിര്‍മ്മിക്കുന്ന ചിത്രം കൂടിയാണ് പ്രാവിന്‍ കൂട് ഷാപ്പ്. ഷൈജു ഖാലിദാണ് ഛായാഗ്രഹണം നിര്‍വഹിക്കുന്നത്.

Also Read: ‘ഇഡ്ഡലി കടൈ’ യുടെ പൊങ്കല്‍ സ്‌പെഷ്യല്‍ പോസ്റ്റര്‍ എത്തി

ഗാനരചന മുഹ്‌സിന്‍ പരാരി, എഡിറ്റര്‍ ഷഫീഖ് മുഹമ്മദ് അലി, എക്‌സിക്യൂട്ടീവ് പ്രൊഡ്യൂസര്‍ എ ആര്‍ അന്‍സാര്‍, പ്രൊഡക്ഷന്‍ കണ്‍ട്രോളര്‍ ബിജു തോമസ്, പ്രൊഡക്ഷന്‍ ഡിസൈനര്‍ ഗോകുല്‍ ദാസ്, കോസ്റ്റ്യൂംസ് സമീറ സനീഷ്, മേക്കപ്പ് റോണക്‌സ് സേവ്യര്‍, ചീഫ് അസോസിയേറ്റ് ഡയറക്ടര്‍ അബ്രു സൈമണ്‍, സൗണ്ട് ഡിസൈനര്‍ വിഷ്ണു ഗോവിന്ദ്, ആക്ഷന്‍ കലൈ കിംഗ്‌സണ്‍, കളറിസ്റ്റ് ശ്രീക് വാര്യര്‍, വിഎഫ്എക്‌സ് എഗ്ഗ് വൈറ്റ്, ഡിജിറ്റല്‍ പ്രൊമോഷന്‍ സ്‌നേക്ക് പ്ലാന്റ്, സ്റ്റില്‍സ് രോഹിത് കെ സുരേഷ്, പബ്ലിസിറ്റി ഡിസൈന്‍സ് യെല്ലോ ടൂത്ത്‌സ്, വിതരണം എ ആന്റ് എ എന്റര്‍ടെയ്ന്‍മെന്റ്‌സ്, പി ആര്‍ ഒ- എ എസ് ദിനേശ്.

Share Email
Top