മോഹന്‍ലാല്‍ സോഷ്യല്‍ മീഡിയയില്‍ പങ്കുവച്ച ചിത്രം വൈറലാകുന്നു. നടന്മാരായ പൃഥ്വിരാജ് സുകുമാരനും ഫഹദ് ഫാസിലിനും ഒപ്പമുള്ള ചിത്രമാണ് മോഹന്‍ലാല്‍ പങ്കുവച്ചത്. ‘സായിദ് മസൂദിനും, രംഗയ്ക്കും ഒപ്പം’ എന്നാണ് ക്യാപ്ഷന്‍. എമ്പുരാനിലെ പൃഥ്വിരാജിന്റെ കഥാപാത്രത്തെയും ആവേശത്തിലെ ഫഹദിന്റെയും റോളുകളെ ഓര്‍മ്മിപ്പിക്കുകയാണ് മോഹന്‍ലാല്‍.
ഒരു മണിക്കൂറിനുള്ളില്‍ ഒരു ലക്ഷത്തിലേറെ ലൈക്കാണ് ഇന്‍സ്റ്റഗ്രാമില്‍ ചിത്രത്തിന് ലഭിച്ചിരിക്കുന്നത്. ഈ കോംബോയെ കണ്ട സന്തോഷത്തില്‍ ആയിരക്കണക്കിന് കമന്റുകളും വരുന്നുണ്ട്. അപ്പോള്‍ നടക്കുള്ളത് സ്റ്റീഫന്‍ നെടുമ്പള്ളിയോ, എബ്രഹാം ഖുറേഷിയോ എന്ന ചോദ്യവും ചിലര്‍ കമന്റില്‍ ഇടുന്നുണ്ട്.
Also Read: ‘ഗോഡ് ഓഫ് ലവ്’ ആകാന്‍ സിമ്പു !
കഴിഞ്ഞ കുറച്ച് നാളുകളായി മലയാള സിനിമാസ്വാദകര്‍ ഒന്നടങ്കം കാത്തിരിക്കുന്ന സിനിമയാണ് എമ്പുരാന്‍. ലൂസിഫര്‍ എന്ന സൂപ്പര്‍ ഹിറ്റ് ചിത്രത്തിന്റെ രണ്ടാം ഭാഗവും പൃഥ്വിരാജ്- മോഹന്‍ലാല്‍ കോമ്പോ വീണ്ടും ഒന്നിക്കുന്നതുമൊക്കെയാണ് അതിന് കാരണം. നാളുകള്‍ നീണ്ടുനിന്ന അഭ്യൂഹങ്ങള്‍ക്കും ഊഹാപോഹങ്ങള്‍ക്കും ഒടുവില്‍ മാര്‍ച്ച് 27ന് സിനിമ തിയറ്ററുകളില്‍ എത്തും. ഇതോട് അനുബന്ധിച്ച് കഴിഞ്ഞ ദിവസം പുറത്തിറക്കിയ ടീസര്‍ ഏറെ ശ്രദ്ധിക്കപ്പെട്ടിരുന്നു. എമ്പുരാന്‍ പാന്‍ ഇന്ത്യന്‍ റിലീസായാണ് തിയറ്ററുകളില്‍ എത്തുന്നത്.
