തിരുവനന്തപുരം: നെടുമങ്ങാട് ഓടിക്കൊണ്ടിരിക്കുകയായിരുന്ന ലോറിക്ക് തീപിടിച്ചു. രാവിലെ 10 മണിയോടെയാണ് സംഭവം. നെടുമങ്ങാട് കൊല്ലംകാവില്‍ കോണ്‍ക്രീറ്റ് മിക്‌സര്‍ കൊണ്ടുപോയ ലോറിക്കാണ് തീപ്പിടിച്ചത്. നെയ്യാറ്റിന്‍കരയില്‍ നിന്ന് ആനാടേക്ക് പോവുകയായിരുന്നു ലോറി, കൊല്ലംകാവ് വളവിലാണ് അപകടം ഉണ്ടായത്.
അതേസമയം ലോറിയില്‍ നിന്ന് പുക ഉയര്‍ന്നത്തോടെ ഡ്രൈവര്‍ വാഹനം നിര്‍ത്തി ഇറങ്ങുകയായിരുന്നു. നെടുമങ്ങാട് നിന്നും മൂന്ന് യൂണിറ്റ് ഫയര്‍ ഫോഴ്‌സ് സ്ഥലത്തെത്തിയാണ് തീ അണച്ചത്. ലോറിയുടെ മുന്‍ഭാഗം പൂര്‍ണമായും കത്തിനശിച്ചു. ബാറ്ററിയില്‍ നിന്ന് പുക ഉയര്‍ന്നുവെന്നാണ് സംശയിക്കുന്നത്.
