ഭൂമി കൂടുതല്‍ ചൂടാകുന്നു, വ്യാവസായിക വിപ്ലവത്തിന് മുമ്പുള്ളതിനേക്കാള്‍ ശരാശരി 1.6°C കൂടുതലായാണ് കഴിഞ്ഞ വര്‍ഷം ഏറ്റവും ഉയര്‍ന്ന ചൂട് രേഖപ്പെടുത്തിയത്. വേള്‍ഡ് മെറ്റീരിയോളജിക്കല്‍ ഓര്‍ഗനൈസേഷന്റെ (WMO) സ്റ്റേറ്റ് ഓഫ് ദി ഗ്ലോബല്‍ ക്ലൈമറ്റ് 2024 റിപ്പോര്‍ട്ട് പ്രകാരം, ഇപ്പോള്‍ കഴിഞ്ഞുപോയത് രേഖപ്പെടുത്തിയിട്ടുള്ളതില്‍ വച്ച് ഏറ്റവും ചൂടേറിയ പത്ത് വര്‍ഷങ്ങളായിരുന്നു എന്നാണ്. ‘175 വര്‍ഷങ്ങളല്‍ വെച്ച് ഏറ്റവും ചൂടേറിയ വര്‍ഷമായിരുന്നു 2024. അതിനുമുമ്പത്തെ ഏറ്റവും ചൂടേറിയ വര്‍ഷം 2023 ആയിരുന്നു.
2024 ന്റെ തുടക്കത്തില്‍ ഉച്ചസ്ഥായിയിലെത്തിയ ശക്തമായ എല്‍ നിനോ, 2024 ല്‍ ആഗോള താപനിലയിലെ വര്‍ദ്ധനവിന് കാരണമായി. എന്നിരുന്നാലും, 2023 ല്‍ തന്നെ താപനില റെക്കോര്‍ഡ് ഉയരത്തിലെത്തിയിരുന്നു. 2023 ജൂണ്‍ മുതല്‍ 2024 ഡിസംബര്‍ വരെ, എല്ലാ മാസത്തെയും ആഗോള ശരാശരി താപനില 2023 ന് മുമ്പ് സ്ഥാപിച്ച എല്ലാ മുന്‍ റെക്കോര്‍ഡുകളെയും മറികടന്നു.
Also Read: ഷിയെ പിണക്കാതെ ട്രംപ്; നേരിട്ടുള്ള ചര്‍ച്ചകള്‍ക്ക് ട്രംപിന്റെ സമ്മര്‍ദ്ദം
അന്തരീക്ഷത്തിലെ കാര്‍ബണ്‍ ഡൈ ഓക്‌സൈഡിന്റെ അളവ് ഏറ്റവും ഉയര്‍ന്ന നിലയിലെത്തിയെന്നാണ് ഏറ്റവും പുതിയ WMO റിപ്പോര്‍ട്ട് വെളിപ്പെടുത്തിയിരിക്കുന്നത്. കഴിഞ്ഞ എട്ട് വര്‍ഷത്തിനിടയില്‍, സമുദ്രത്തിലെ താപത്തിന്റെ അളവ് തുടര്‍ച്ചയായി പുതിയ റെക്കോര്‍ഡുകള്‍ സൃഷ്ടിച്ചു. കഴിഞ്ഞ 18 വര്‍ഷത്തിനിടെ ആര്‍ട്ടിക് സമുദ്രത്തിലെ മഞ്ഞിന്റെ വ്യാപ്തി 18 തവണ കുറഞ്ഞപ്പോള്‍, അന്റാര്‍ട്ടിക്കയില്‍ കഴിഞ്ഞ മൂന്ന് വര്‍ഷത്തിനിടെ ഏറ്റവും കുറഞ്ഞ മൂന്ന് തവണ മഞ്ഞിന്റെ വ്യാപ്തി രേഖപ്പെടുത്തി. വളരെ കുറച്ച് പ്രദേശങ്ങളില്‍ താപനില കുറഞ്ഞപ്പോള്‍, കടുത്ത കാലാവസ്ഥ ലോകമെമ്പാടും നാശം വിതച്ചു. വരള്‍ച്ച ഭക്ഷ്യക്ഷാമത്തിനും വെള്ളപ്പൊക്കത്തിനും കാട്ടുതീക്കും കാരണമായി. 800,000 ആളുകളെ മാറ്റിപ്പാര്‍പ്പിക്കേണ്ടി വന്നിരുന്നു.
